BANDARI YA MTWARA IPO TAYARI KUSAFIRISHA KOROSHO MSIMU WA MWAKA 2025-2026

BANDARI YA MTWARA IPO TAYARI KUSAFIRISHA KOROSHO MSIMU WA MWAKA 2025-2026 Inaelezwa kuwa ufanisi wa Bandari ya Mtwara umeimarika zaidi katika utendaji kazi kuelekea msimu wa korosho mwaka 2025-2026. Hayo yameelezwa katika mkutano wa Wadau wa Bandari ya Mtwara uliofanyika Septemba 29,2025 katika ukumbi wa BOT mkoani Mtwara ikiwa ni kuelekea msimu mpya wa Korosho mwaka 2025-2026 ambapo katika mkutano huo inaelezwa kuwa uwezo wa bandari hiyo matarijio ni kusafirisha tani laki saba kutoka tani laki tatu ,ambapo mkuu wa mkoa wa Mtwara Kanal Patrick Sawala ambaye ndiye mgeni rasmi katika tukio hilo ametoa wito kwa watendaji wabandari kufanya kazi kwa bidii ,huku mwakilishi wa Mkurugenzi mkuu wa Mamlaka ya Bandari Tanzania (TPA) ndugu Emmanuel Mrutu akasisitiza ushirikiano kwa watendaji. Naye Mkuu wa mkoa wa Ruvuma Brigedia Jenerali Ahmed Abbas ameongeza kuwa kama mkoa wataendelea kuunga mkono matumizi ya bandari hiyo kwakuwa mapato yanayopatikana yanasadia kuleta maendeleo kwa mikoa yote ya kusini Katika hatua nyingine baadhi ya Washiriki wa mkutano huo akiwemo Janeth Mwembe pamoja na Venance Mrema wameeleza matumaini yao katika mkuano huo huku wakigusia changamoto ambazo zinawakabili kwa kiasi kikubwa zimepatiwa ufumbuzi Itakumbukwa kuwa Kikao hicho kimewakutanisha wadau mbalimbali wakiwemo mawakala wa meli, kampuni, watendaji wa serikali na wadaua wengine kwa lengo la kujadili masuala mbalimbali ya Bandari kuelekea kuanza kwa msimu wa korosho.