Николай Васильевич Слепцов - Абыйчанин "Чучунаа уонна Суланьа" Сэһэн

Канал сайдыытыгар харчынан өйүүргэ Сбербанк 2202 2002 9845 8959 (Васильева М.Б.) Слепцов Николай Васильевич (Николай Абыйчанин) (13.05.1925—14.07.1997) — суруйааччы, суруналыыс, Саха Өрөспүүбүлүкэтин суруйааччыларын сойууһун чилиэнэ, Арассыыйа уонна Саха Сирин суруналыыстарын сойуустарын чилиэнэ. 1925 сыллаахха ыам ыйын 13 күнүгэр Абый улууһун Кириэс-Майыар нэһилиэгэр дьадаҥы бааһынай дьиэ кэргэнигэр төрөөбүтэ. 1941 сыллаахха, Дружина орто оскуолатыгар үөрэнэ сылдьан, аҕата өлөн, үөрэҕиттэн уурайан, колхозка үлэлээбит. 1944 сыллаахха, бултуу сылдьан, очуостан охтубут, ол сылыгар аны күүскэ тымныйан ыалдьан, бастакы группалаах инбэлиит буолар. Культура тэрилтэлэригэр үлэлээбитэ. 1949 сыллаахха, эмиэ ыараханнык ыалдьан, истибэт уонна биир хараҕынан көрбөт буолбут. Ыарахан ыарыыттан санаатын булгуруппакка, күүстээх санаалаах буолан, фольклор хомуйуутунан, суруйуутунан дьарыктаммыт. Саха Сирин хаһыаттарыгар 1951 сылтан бэчээттэнэр. Айылҕаттан талаана, күүстээх санаата кинини республикаҕа биллэр журналист, суруйааччы оҥорбуттара.