Punjabi shorthand dictation 85wpm Punjabi steno dictation 85wpm

ਕੁਦਰਤ ਨੇ ਮਨੁੱਖੀ ਜੀਵਨ ਨੂੰ ਸੁਖਾਲ਼ਾ ਅਤੇ ਸਿਹਤਮੰਦ ਬਣਾਉਣ ਲਈ ਧਰਤੀ ਤੇ ਅਨੇਕ ਪ੍ਰਕਾਰ ਦੇ ਪੇੜ-ਪੌਦੇ ਅਤੇ ਜੜੀ-ਬੂਟੀਆਂ ਬਖ਼ਸ਼ੀਆਂ ਹਨ। ਇਹਨਾਂ ਵਿੱਚੋਂ ਨਿੰਮ ਦਾ ਰੁੱਖ ਇੱਕ ਅਜਿਹਾ ਸਰਵਗੁਣ ਸੰਪੰਨ ਅਤੇ ਪਰੰਪਰਾਗਤ ਰੁੱਖ ਹੈ ਜਿਸ ਨੂੰ ਪੁਰਾਤਨ ਸਮੇਂ ਤੋਂ ਹੀ ਭਾਰਤੀ ਸੱਭਿਆਚਾਰ ਅਤੇ ਆਯੁਰਵੇਦ ਵਿੱਚ ਇੱਕ ਸੰਪੂਰਨ ਯਾਅਨੀ ਹਸਪਤਾਲ਼ ਦਾ ਦਰਜਾ ਦਿੱਤਾ ਗਿਆ ਹੈ। ਪੰਜਾਬ ਦੇ ਪਿੰਡਾਂ ਵਿੱਚ ਨਿੰਮ ਦਾ ਰੁੱਖ ਹਰ ਦੂਜੇ ਘਰ ਦੇ ਵਿਹੜੇ ਖੇਤਾਂ ਦੇ ਬੰਨ੍ਹਿਆਂ ਜਾਂ ਸੱਥਾਂ ਵਿੱਚ ਆਮ ਦੇਖਣ ਨੂੰ ਮਿਲ਼ਦਾ ਹੈ। ਭਾਵੇਂ ਨਿੰਮ ਦਾ ਸਵਾਦ ਅਤਿਅੰਤ ਕੌੜਾ ਹੁੰਦਾ ਹੈ ਪਰ ਇਸ ਦੇ ਅੰਦਰ ਛੁਪੇ ਹੋਏ ਸਿਹਤ ਲਾਭ ਮਨੁੱਖੀ ਸਰੀਰ ਲਈ ਕਿਸੇ ਅੰਮ੍ਰਿਤ ਤੋਂ ਘੱਟ ਨਹੀਂ ਹਨ। ਵਿਗਿਆਨਕ ਦ੍ਰਿਸ਼ਟੀਕੋਣ ਤੋਂ ਵੀ ਨਿੰਮ ਨੂੰ ਇੱਕ ਕੁਦਰਤੀ ਐਂਟੀ-ਬਾਇਓਟਿਕ ਐਂਟੀ-ਸੈਪਟਿਕ ਅਤੇ ਐਂਟੀ-ਫੰਗਲ ਪੌਦਾ ਮੰਨਿਆ ਗਿਆ ਹੈ ਜਿਸ ਦਾ ਹਰ ਇੱਕ ਹਿੱਸਾ ਚਾਹੇ ਉਹ ਪੱਤੇ ਹੋਣ ਟਾਹਣੀਆਂ ਹੋਣ ਛਿੱਲ ਹੋਵੇ ਫਲ਼ ਹੋਵੇ ਜਾਂ ਜੜ੍ਹ ਸਭ ਕੁਝ ਕਿਸੇ ਨਾ ਕਿਸੇ ਬਿਮਾਰੀ ਦੇ ਇਲਾਜ ਵਿੱਚ ਕੰਮ ਆਉਂਦਾ ਹੈ। ਸਾਡੇ ਬਜ਼ੁਰਗ ਸਦੀਆਂ ਤੋਂ ਸਵੇਰੇ ਉੱਠ ਕੇ ਨਿੰਮ ਦੀ ਦਾਤਣ ਕਰਦੇ ਆ ਰਹੇ ਹਨ ਜੋ ਦੰਦਾਂ ਅਤੇ ਮਸੂੜਿਆਂ ਨੂੰ ਮਜ਼ਬੂਤ ਬਣਾਉਣ ਅਤੇ ਮੂੰਹ ਦੀ ਬਦਬੂ ਨੂੰ ਦੂਰ ਕਰਨ ਦਾ ਸਭ ਤੋਂ ਉੱਤਮ ਅਤੇ ਸਸਤਾ ਕੁਦਰਤੀ ਇਲਾਜ ਹੈ। ਨਿੰਮ ਦੇ ਹਰੇ ਪੱਤੇ ਚਮੜੀ ਦੇ ਰੋਗਾਂ ਲਈ ਰਾਮਬਾਣ ਮੰਨੇ ਜਾਂਦੇ ਹਨ। ਜੇਕਰ ਸਰੀਰ ਤੇ ਫੋੜੇ-ਫਿੰਸੀਆਂ ਖਾਰਸ਼ ਜਾਂ ਦਾਦ ਦੀ ਸਮੱਸਿਆ ਹੋਵੇ ਤਾਂ ਨਿੰਮ ਦੇ ਪੱਤਿਆਂ ਨੂੰ ਪਾਣੀ ਵਿੱਚ ਉਬਾਲ਼ ਕੇ ਉਸ ਪਾਣੀ ਨਾਲ਼ ਨਹਾਉਣ ਨਾਲ਼ ਚਮੜੀ ਦੇ ਸਾਰੇ ਕੀਟਾਣੂ ਖ਼ਤਮ ਹੋ ਜਾਂਦੇ ਹਨ। ਇਸ ਤੋਂ ਇਲਾਵਾ ਨਿੰਮ ਦੇ ਪੱਤਿਆਂ ਦਾ ਰਸ ਖੂਨ ਨੂੰ ਸਾਫ਼ ਕਰਨ ਵਿੱਚ ਮਦਦ ਕਰਦਾ ਹੈ ਜਿਸ ਨਾਲ਼ ਚਿਹਰੇ ਤੇ ਕੁਦਰਤੀ ਨਿਖਾਰ ਆਉਂਦਾ ਹੈ। ਗਰਮੀਆਂ ਦੇ ਮੌਸਮ ਵਿੱਚ ਨਿੰਮ ਦੇ ਰੁੱਖ ਤੇ ਛੋਟੇ-ਛੋਟੇ ਹਰੇ ਰੰਗ ਦੇ ਫਲ਼ ਲੱਗਦੇ ਹਨ ਜਿਨ੍ਹਾਂ ਨੂੰ ਨਿਮੋਲੀ਼ਆਂ ਕਿਹਾ ਜਾਂਦਾ ਹੈ। ਪੱਕਣ ਤੋਂ ਬਾਅਦ ਇਹ ਪੀਲੀ਼ਆਂ ਅਤੇ ਮਿੱਠੀਆਂ ਹੋ ਜਾਂਦੀਆਂ ਹਨ। ਇਹਨਾਂ ਨਿਮੋਲੀ਼ਆਂ ਦੇ ਬੀਜਾਂ ਵਿੱਚੋਂ ਨਿਕਲਨ਼ ਵਾਲ਼ਾ ਤੇਲ ਕਈ ਪ੍ਰਕਾਰ ਦੀਆਂ ਦਵਾਈਆਂ ਸਾਬਣ ਬਣਾਉਣ ਵਿੱਚ ਵੱਡੇ ਪੱਧਰ ਤੇ ਵਰਤਿਆ ਜਾਂਦਾ ਹੈ। ਖੇਤੀ-ਬਾੜੀ ਦੇ ਖੇਤਰ ਵਿੱਚ ਵੀ ਨਿੰਮ ਦਾ ਯੋਗਦਾਨ ਬੇਮਿਸਾਲ ਹੈ। ਨਿੰਮ ਦੀ ਖ਼ਲ਼ ਅਤੇ ਇਸ ਦੇ ਪੱਤਿਆਂ ਤੋਂ ਤਿਆਰ ਕੀਤੇ ਘੋਲ਼ ਨੂੰ ਫ਼ਸਲਾਂ ਤੇ ਕੁਦਰਤੀ ਕੀਟਨਾਸ਼ਕ ਵਜੋਂ ਛਿੜਕਿਆ ਜਾਂਦਾ ਹੈ ਜੋ ਫ਼ਸਲਾਂ ਨੂੰ ਨੁਕਸਾਨਦੇਹ ਕੀੜਿਆਂ ਤੋਂ ਬਚਾਉਂਦਾ ਹੈ ਅਤੇ ਰਸਾਇਣਕ ਖਾਦਾਂ ਦੇ ਮਾੜੇ ਪ੍ਰਭਾਵਾਂ ਤੋਂ ਮੁਕਤੀ ਦਿਵਾਉਂਦਾ ਹੈ। ਵਾਤਾਵਰਨ ਦੀ ਸ਼ੁੱਧਤਾ ਲਈ ਨਿੰਮ ਦਾ ਰੁੱਖ ਇੱਕ ਕੁਦਰਤੀ ਪਿਊਰੀਫਾਇਰ ਦਾ ਕੰਮ ਕਰਦਾ ਹੈ। ਇਹ ਦੂਜੇ ਰੁੱਖਾਂ ਦੇ ਮੁਕਾਬਲੇ ਹਵਾ ਵਿੱਚੋਂ ਕਾਰਬਨ ਡਾਈਆਕਸਾਈਡ ਅਤੇ ਹੋਰ ਜ਼ਹਿਰੀਲੀਆਂ ਗੈਸਾਂ ਨੂੰ ਬਹੁਤ ਤੇਜ਼ੀ ਨਾਲ਼ ਸੋਖਦਾ ਹੈ ਅਤੇ ਵੱਡੀ ਮਾਤਰਾ ਵਿੱਚ ਆਕਸੀਜਨ ਛੱਡਦਾ ਹੈ। ਗਰਮੀਆਂ ਦੇ ਦਿਨਾਂ ਵਿੱਚ ਜਦੋਂ ਅੱਤ ਦੀ ਲੋਅ ਚੱਲਦੀ ਹੈ ਉਦੋਂ ਨਿੰਮ ਦੀ ਸੰਘਣੀ ਛਾਂ ਹੇਠ ਬੈਠਣ ਨਾਲ਼ ਜੋ ਸਕੂਨ ਅਤੇ ਠੰਢਕ ਮਿਲ਼ਦੀ ਉਸ ਦੀ ਤੁਲਨਾ ਕਿਸੇ ਵੀ ਮਸ਼ੀਨੀ ਏਅਰ-ਕੰਡੀਸ਼ਨਰ ਨਾਲ਼ ਨਹੀਂ ਕੀਤੀ ਜਾ ਸਕਦੀ। ਪਿੰਡਾਂ ਦੀਆਂ ਸੱਥਾਂ ਵਿੱਚ ਲੱਗੇ ਨਿੰਮ ਦੇ ਵੱਡੇ ਰੁੱਖ ਸਾਂਝੀਵਾਲਤਾ ਦੇ ਪ੍ਰਤੀਕ ਹਨ ਜਿੱਥੇ ਬਜ਼ੁਰਗ ਬੈਠ ਕੇ ਦੁੱਖ-ਸੁੱਖ ਸਾਂਝੇ ਕਰਦੇ ਹਨ। ਅਜੋਕੇ ਦੌਰ ਵਿੱਚ ਭਾਵੇਂ ਅਸੀਂ ਆਧੁਨਿਕ ਦਵਾਈਆਂ ਵੱਲ ਵਧ ਰਹੇ ਹਾਂ ਪਰ ਸਾਨੂੰ ਨਿੰਮ ਵਰਗੇ ਰਵਾਇਤੀ ਰੁੱਖਾਂ ਦੀ ਮਹੱਤਤਾ ਨੂੰ ਕਦੇ ਨਹੀਂ ਭੁੱਲਣਾ ਚਾਹੀਦਾ। #punjabishorthanddictation #punjabistenotypist #psssb #punjabisteno #stenotypistdictation85wpm #trending #punjabisteno #stenography #punjabishorthand #stenodictation #shorthandpractice #stenoclass #stenotraining #stenoexam #governmentjobpreparation #punjabijobs #sssbpunjab #stenotest #jobpreparation