الرادود الحسيني الحاج ملا جليل الكربلائي | ليلة 7 محرم 1418 | الكويت حسينية آل بوحمد

قصيدة : راعي الجود الرادود الحسيني ملا جليل الكربلايي الشاعر : سيد سعد الذبحاوي راعي الجود...يمته ايعود اتنادي العيله يا عباس صوت من الخيم يظهر من كثر النده مبحوح الماي الماي كلها اتصيح بنار المدمع المسفوح تنادي وين أبو فاضل يمته للشريعه ايروح و هالصرخات نسمعها و الغيره تشب بالروح و الأطفال...بهذا حال تنادي العيله يا عباس طلع من الخيم عباس و نار الغضب بعيونه هز الرايه سل السيف شمر جوده عله امتونه صوب المشرعه سدّر لكد عباس ميمونه كشف عن الشريعه القوم صب عالجيش طاعونه و اعله الجود...تلوج اجبود تنادي العيله يا عباس شاطت للنهر جم روح وي عباس لمن راح جمر اضماها عالشاطي ترفرف قامت الأرواح دب الماي من ايدي و ما أهنه بلذيذه صاح العيله ما هنت بالماي بجوده اعله النهر من طاح اعضيد حسين...طايح وين اتنادي العيله يا عباس تنادي العيله يا عمه عمنه اتأخر اعلينه و قلب زينب يشب نيران و ما تدري الاخو وينه راعي الجود يمته يعود يمته بجوده يلفينه و ما تدري انهشم راسه و قطعوا تالي جفينه و ظل مطروح...ابلايه روح اتنادي العيله يا عباس ______________________ قصيدة : سهم غيابك الرادود الحسيني ملا جليل الكربلايي الشاعر : الأديب جابر الكاظمي جمر مصابك ماينحمل يا ابا الفضل سهم غيابك ماينحمل يا ابا الفضل ياريت انقطعت كفيني لاوين اتوجه دليني انه العقيلة بت علي اختك يمن بيك الزود انه النطيتك رايتك بيدك وسيفك والجود كل ظني لعيالك ترد سالم وبالماي تعود ايصيبك سهم ماحسبت ولاحسبت بالعامود ضامي ويسعر قلب الطفل يا ابا الفضل وظل يتوجر قلب الطفل يا ابا الفضل وانه الاحزان تباريني ..لاوين اتوجه دليني ياريت انقطعت كفيني..لا وين اتوجه دليني جمر مصابك ماينحمل يا ابا الفضل سهم غيابك ماينحمل يا ابا الفضل ياريت انقطعت كفيني..لاوين اتوجه دليني خيل وضيمه ونار وخطر باصرنه لاوين انروح ياهو النشوفه من الاهل عالغبره طايح مذبوح من كل كتر اسمع حرم تنحب والاطفال اتنوح ومنين ماانطي الوجه لو نار لو دم مسفوح قطعوا منك ...حبل الوصل يا ابا الفضل فصلوا عنك...حبل الوصل يا ابا الفضل ابغربه ولا والي يحاميني لاوين اتوجه دليني جمر مصابك ..ماينحمل يا ابا الفضل سهم اغيابك..ماينحمل يا ابا الفضل ياريت انقطعت كفيني ..لاوين اتوجه دليني عباس اخذ مني الخبر عن حالة اطفال حسين اطفال ذوبها العطش ماتدري تتوجه وين بالعطش ذايب كم قلب وللنهر شبحت كم عين والخبر من عندك وصل طايح قطيع الكفين ابحالة هظمي ...جم دوب اظل يا ابا الفضل بجمره همي ...جم دوب اظل يا ابا الفضل سهم الصابك صوب عيني..لاوين اتوجه دليني عباس عن عيني غبت المن اوجه شكواي واطفال عندك ظاميه وتنتظرك اتجيب الماي باصرني بامر العايله شنهو البصر شنهو الراي من بعدك حسين انذبح ماضل بعد من ولياي كل الاخوة..راحوا قتل يا ابا الفضل واهل النخوة..راحوا قتل يا ابا الفضل اشلون بهالحيرة اتخليني ..لاوين اتوجه دليني يالطايح عالمشرعه هالامل منك ماكان ريتك يبو فاضل عدل وتسمع صريخ الرضعان كل ساعة لن اسمع طفل ينحب ويصرخ عطشان ماادري اخمد جمرته لو اطفي نار الصيوان اصرخ وانحب .. ريتك عدل يا ابا الفضل خدري اتسلب..ريتك عدل يا ابا الفضل واتخمد نار صواويني لا وين اتوجه دليني نارين اشوف بكربله ومحتاره صرت بهالحال مابين جمرة خيمتي وجمرة اگلوب الاطفال تاخذ الجود وما ترد ماكانت اتمر ع البال ولا جنه ندري امن العطش نشرب دمعنه الهمال يشبه دمك ..دمعي اليهل يا ابا الفضل لمصرع جسمك..دمعي اليهل يا ابا الفضل دنياي اشراح اتراويني..لاوين اتوجه دليني عباس تدري من طحت شنهو الحصل ياعباس داروا عله حسين العده وفصلوا الجثه من الراس صريع على الارض وبحافر الخيل انداس ومن بعده هاي العايله حاطتها اشرار الناس وسفه اتوسع هذا الشمل يا ابا الفضل منهو اليجمع هذا الشمل يا ابا الفضل كوم ياعباس وحاجيني ..لاوين اتوجه دليني .