Shvetsiya maktablari: tekin tushlik, jimjimasiz xonalar va erkin bolalar…

Bu yerda bolalarni imtihonga emas, hayotga tayyorlashadi. Bu yerda bepul tushlik ham ta’limning bir qismi. Mehnat darsida mebellar yasashadi, tabiatni asrashni kitobdan emas, amalda o‘rganishadi. O‘qituvchi buyruq bermaydi, yo‘l ko‘rsatadi. Har bir bolaning qobiliyati alohida qadrlanadi. Maktabda tenglik, ishonch va mustaqil fikrlash eng muhim qadriyat sanaladi. Bu Shvetsiya ta’lim tizimiga oid muhim jihatlar. ⌛ O‘tgan yilning noyabr oyidagi Yevropaga safarimiz chog‘ida Shvetsiyaning Stokxolm shahrida yashovchi vatandoshimiz, bir necha yillardan beri maktabda bolalarga ta’lim berib kelayotgan Abdulhamid Raimov hamrohlik qildi. U bizni o‘zi ishlayotgan poytaxt maktablaridan biri bilan yaqindan tanishtirdi. “Shvetsiya maktab ta’limi dunyodagi eng insonparvar va o‘quvchiga yo‘naltirilgan ta’lim tizimlaridan biri hisoblanadi. Ya’ni uning asosiy maqsadi yuqori baholar emas, balki mustaqil fikrlaydigan, mas’uliyatli va jamiyatda yashashga tayyor insonni tarbiyalashdir. Shvetsiyada bolalar 1 yoshdan 5 yoshgacha maktabgacha ta’lim (förskola), 6 yoshda majburiy tarzda maktabga tayyorlov sinfi (Förskoleklass)da o‘qiydi, 7 yoshdan 16 yoshgacha 9 yillik asosiy maktab (Grundskola)da ta’lim oladi. 16–19 yoshda esa gimnaziya (Gymnasieskola)da o‘qishadi. Bu majburiy emas, ammo o‘quvchilarning 98 foizdan ortig‘i o‘qishni davom ettiradi”, - deydi pedagog. YouTube:    / @vatandosh_eu   Instagram: instagram.com/vatandosh.eu/ Facebook facebook.com/vatandosh.eu Tiktok: tiktok.com/@vatandosh_eu Telegram: https://t.me/vatandosheu X: x.com/vatandosh_eu