Heart Touching Song by Bro.Antony Fernandez

ചങ്കിലെ പിടപ്പ് ഇപ്പോഴും മാറിയിട്ടില്ല,, വീടിന്റെ ജനാല തുറന്ന് പുറത്തേക്ക് നോക്കാൻ കഴിയാത്ത വിധം മനസ് മുറിഞ്ഞു തൂങ്ങിയിരിക്കുന്നു ...ഞങ്ങളുടെ വീടിന്റെ തൊട്ടടുത്ത ബ്രദറിന്റെ വീട്ടിൽ അങ്ങ് ഇല്ലായെന്നുള്ളത് ഉൾക്കൊള്ളാൻ പറ്റുന്നില്ല.. അങ്ങയുടെ വീട്ടിലേക്ക് നോക്കാനുള്ള ചങ്കുറപ്പ് ഇല്ല. ഉള്ളിലെ ചുട്ട് പൊള്ളുന്ന നീറ്റലിനിടയിലും ആ ഭവനം ഞങ്ങളുടെ കൺ വെട്ടത്ത് നിന്ന് മറയ്ക്കുവാനായ് ഒരു പാഴ്ശ്രമം നടത്തി. ജനലുകൾ അടച്ചു കൊളിത്തിട്ടു, പോരാത്തതിന് കർട്ടനും വിരിച്ചിട്ടു.. പക്ഷേ, അതൊക്കെയും വ്യർത്ഥമാണെന്ന് കണ്ണിൽ കണ്ണുനീർ പൊടിയുമ്പോഴാണ് തിരിച്ചറിയുന്നത്... ചങ്കിൽ കോറിയിട്ട ആ മുഖവും ആ സ്വരവും എങ്ങനെ മറക്കാൻ ആകും.. പ്രിയ കൂട്ടുകാരനും, അയൽവാസിയും ആയ അങ്ങയുടെ സ്വരം ഒരു സാന്ത്വനം പോലെ മനസ്സിൽ അലയടിക്കുന്നു