منيو الأسبوع الاقتصادي❗منيو كامل بأكل المطاعم بطريقه اقتصاديه فالبيت❗هتبهري بيها كل اللي هيدوقها منك

منيو التوفير،منيو أكلات الأسبوع الاقتصادي،هنعمل اكل المطاعم فالبيت بطريقه اقتصاديه وموفره هنعمل استربس الدجاج المقرمش مع رز الريزو وصوص الريزو وهنعمل برجر اللحمه الخطير سندوتشات البرجر وصوص البيج ماك سندوتشات البرجر بتاع المطاعم سندوتشات البرجر بالبصل المكرمل وسندوتشات البرجر بالمشروم وهنعمل بيتزا المطاعم فالبيت بعجينه هشه وقطنيه مع صلصه البيتزا السريعه وهنعمل كريب الدجاج ،عجينه الكريب الاقتصاديه فالخلاط وهنعمل سندوتشات الشاورما السوري والتوميه العاديه والحاره 😋 #هنا_صلاح #منيو_اكلات_الاسبوع #اكلات_سريعه طريقه الرز: ٢كوب ارز مصري ٢كوب ماء قطع فراخ مقطعه مكعبات بصله صغيره مفرومه ناعم ٢معلقه كبيره زيت ٢مكعب مرقه نص معلقه صغيره توم بودر نص معلقه صغيره بصل بودر بهارات رز (اختياري) معلقه كاتشب معلقه باربكيو صوص معلقه صويا صوص دارك او معلقتين لو صويا صوص فاتحه معلقه هوت صوص لو مش متاح اي نوع من الصوصات عااادي نمشي الوصفه بالمتاح عندنا طريقه صوص الريزو: ٤معالق كاتشب ٢معلقه باربكيو ١معلقه هوت صوص ١معلقه صويا صوص نص معلقه صغيره توم بودر نص معلقه صغيره بصل بودر نصف معلقه صغيره عسل ابيض (اختياري) مش هنحط ملح للصوص والرز ندوقه الاول قبل اضافه الملح لان المرقه بيبقي فيها ملح طريقه التتبيله بتاعت الفراخ: صدر فرخه مقطع صوابع رفيعه معلقه صغيره من كلا من : ملح،فلفل اسمر،توم بودر،بصل بودر ،ملح ،كاري،رشه من الكركم،شطه ودي اختياري ،بابريكا،السبع بهارات او بهارات فراخ او معلقه من بهارات الدجاج المقرمش بتاعت كنور او ماجي ونسيبها ف التتبيله من نص ساعه -١٢ساعه للتغطيه بتاعت الفراخ: كوب ونص دقيق نص كوب نشا معلقه صغيره بيكينج بودر ونستخدم نفس البهارات بتاعت التتبيل بنفس الكميه وناخذ اربع معالق من خليط الدقيق والنشا والبكينج بودر والبهارات ونضيف عليه تقريبا نص كوب ماء ساقع لحد ما نوصل للقوام المظبوط ونغطي قطع الدجاج بالدقيق ثم نقليها ف زيت غزير اول دقيقه ع نار عاليه ثم نوطي النار للوسط حتي تصبح لونها دهبي فاتح نعلي النار تاني اخر دقيقه علشان تصفي الزيت منها وتصبح مقرمشه #استربس #ريزو برجر المطاعم المشهوره في البيت 👌 هنعمل سندوتشات البرجر احلي من المطاعم مع صوص البرجر وهنعمل طاسه البطاطس بتاعت المطاعم وكل ده بمقادير بسيطه جدا #برجر المقاديرلنصف كيلو لحمه مفرومه: معلقه صغيره ملح نصف معلقه صغيره من الفلفل الاسمر والتوم البودر والبصل البودر معلقه كبيره من بهارات البرجر او السبع بهارات او ال١١بهار ممكن نستخدم كيس خلطه البرجر مع الملح والفلفل الاسمر فقط ونكتفي بده معلقه كبيره مايونيز مقادير صوص البيج ماك: خيار مخلل مقطع ناعم جدا ٤معالق مايونيز ٢معلقه كاتشب ١معلقه مسطرده للبصل المكرمل: بصل مقطع جوليان نصف معلقه صغيره سكر رشه ملح وفلفل اسمر معلقه كبيره باربكيو صوص للماشروم: مشروم مقطع شرايح رشه ملح وفلفل اسمر معلقه صويا صوص بيتزا المطاعم فالبيت بعجينه هشه وقطنيه،سر بيتزا المطاعم،بيتزا مشكل فراخ،بيتزا بالفراخ،عجينه البيتزا،ميني بيتزا،صلصه البيتزا السريعه،كريب المطاعم،الكريب الاقتصادي بالمايه بدون بيض او لبن،كريب بالفراخ،عجينه الكريب😋 #كريب #بيتزا مقادير عجينه البيتزا: ٣كوب دقيق معلقه صغيره خميره ٢معلقه صغيره سكر نصف معلقه صغير ملح نصف معلقه صغيره زعتر ٣معلقه كبيره زيت ماء للعجن مقادير صلصه البيتزا السريعه: ٢معلقه صلصه ٢معلقه كاتشب ربع كوب ماء دافئ معلقه زيت رشه من الملح والسكر والفلفل الاسمر والتوم البودر معلقه صغيره زعتر مقادير عجينه الكريب: ٢كوب دقيق ٢معلقه كبيره نشا ٢معلقه كبيره زيت ٢معلقه صغيره سكر نصف معلقه صغيره ملح ٢كوب وربع ماء تتبيله الفراخ: ربع فرخ معلقه من المسطرده والكاتشب والصويا صوص نصف لمونه ومعلقه صغيره خل ملح،فلفل اسمر،توم وبصل بودر،بابريكا،بهارات فراخ،السبع بهارات طريقه عمل سندوتشات شاورما الدجاج السوري مع التوميه العاديه والتوميه الحاره بتتبيله رهيبببه هتاخدي نفس طعم المحلات بالظبط واوفر كتييييير 👌😋 المقادير : نصف كيلو :كيلو الاربع من صدور الدجاج مقطعه شرائح معلقتين كبار زبادي بما يعادل علبه صغيره عصير لمونه كبيره(عصير نصف برتقاله لو متاح عندك) ٢معلقه كبيره خل ربع كوب زيت معلقه صغيره من التوم المفروم البهارات : معلقه صغيره من كلا من: ملح،فلفل اسمر،توم بودر،بصل بودر،بهارات فراخ،السبع بهارات،بابريكا،كيس من خلطه ال ١١بهار،نصف معلقه سماق البهارات الاصليه: معلقه صغيره من كلا من : ملح،فلفل اسمر،توم بودر،بصل بودر،بابريكا،كاري،زعتر،سماق ربع معلقه صغيره من كلا من جنزبيل بودر،حبهان مطحون،قرفه،قرنفل،كزبره،كمون الاتنين بيدوا نفس النتيجه بالظبط 👌بس انا بحط السبع بهارات وكيس ال ١١بهار فيهم باقي الاضافات يعني نقدر نعمل كميه من الميكس ده من البهارات اذا كان الاول او التاني براحتكوا زي ما قولنا كده كده بيدي نفس النتيجه وانا بفضل الاول بصراحه 🤗ونخزنها ف برطمان وتبقي بهارات شاورما جاهزه عندك تاخدي منها معلقتين مع اي تتبيله التوميه : كوب ونص ماء تلت معالق كبار نشا ربع كوب لبن (ممكن تزودي معلقتين كمان لو حابه القوام اخف براحتك يعني ) عصير لمونه معلقه خل تلت فصوص توم(ممكن تزودي فص او اتنين ع حسب زوقك بس ابدئي بتلت فصوص بس ودوقيها الاول) ملح معلقتين مايونيز (اختياري وممكن يستبدل بزبادي بس الطعم بيبقي مختلف بس الاتنين روووعه وممكن من غير خااالص ) من ربع الي نصف كوب زيت ينزل بالتدريج لحد ما نوصل للقوام اللي عاوزينه فالاخر بندوق التومييه ونشوف محتاجه ايه نزوده اذا كان بقي ملح او خل او توم او لمون براحتك يعني لحد ما توصلي للطعم اللي بتحبيه #شاورما