ТАШКЕНТ ОБЛ ПАРКЕНТ ШАТҚАЛ АУЫЛЫ ТҰРҒЫНДАРЫ| Құран хатым түсіріп, ауылға ас берді,

Туған жерге тағзым – жүректен шыққан сауапты іс. Ташкент облысы, Паркент ауданының Шатқал ауылынан әр жылдары Қазақстанға және басқа да елдерге қоныс аударған аға-бауырларымыз туған ауылына арнайы келіп, ата-баба рухына арнап Құран хатым түсіріп, ел-жұртқа ақ дастарқан жайып ас берді. Бұл – туған жерге деген құрметтің, өткенге деген тағзымның және ағайын арасындағы бірліктің жарқын көрінісі. Көп ұлтты, ынтымағы жарасқан Шатқал ауылында өткен бұл игі шараға ауыл тұрғындары жиналып, ақсақалдардың батасын алып, марқұмдарға дұға бағышталды. Осындай сауапты іске ұйытқы болған азаматтардың ниеті қабыл болып, берген астары мен жасаған жақсылықтары сауаптан жазылсын. Алла Тағала дұғаларын қабыл етіп, отбастарына амандық, дендеріне саулық, кәсіптеріне береке, өмірлеріне мол ырыс нәсіп етсін. Туған жермен байланыс ешқашан үзілмей, ағайынның арасы әрдайым берік болсын. Осындай игі бастамалар көбейіп, ауылымыздың бірлігі мен берекесі арта берсін. Әумин!