شيلة يافخر بني شالح | لـ حفل زواج نايف سالم الشلاحي |كلمات عبد الرحمن سعد البقمي| اداء شبل الدواسر

شيلة يافخر بني شالح | لـ حفل زواج نايف سالم الشلاحي |كلمات عبد الرحمن سعد البقمي| اداء شبل الدواسر - اداء شبل الدواسر يافخر صفوة بني شالح صافين السلالة دونك الصدر الشمالي والهجوس الحاتمية شاعر(ن) يمكن يشوف الشمس في قاع البيالة ويتغزل في رفات عظام ليلى العامرية الشعر غالي لكن والله مهوب اغلى حلاله لين ياخذ به على بعض المواقيف اولوية اترك اللي ماخذين الشعر سجة وانفعالة كل ماضاقوا يحطون الرفيق أول ضحية واذخر اللي لا انتخى شاشوا من النخوة خواله واحتموه عيال عمه وانتهض دونه خويه العرب مايعرفون الطيب الا من مقاله لا تكلم يتضح منهو ولده ومن ذويه وانا يوم اكتب قصيدة كني اوصل رسالة الرسالة في يديكم والقصيدة في يديه جيت من باب الوفا ماجيت من باب الجزالة الجزالة واجدة ولا الوفا مافيه زيه اتقدم واتكلم بالنيابة والاصالة يا سلام الله سلام(ن) حي يوم الروس حية يالمقام اللي يجيه الضيف ويضيّع عقاله من حمايا معزب الضيفان خيال العبية الرفيق الي مشاريبه على عز وشكالة لين سمّوه الجبل صوره ووصف وتابعية ايه يا نايف وانا اسميك عراب الجمالة ودي انه قبل كلمة نعم يكتب في الهوية ياولد عود(ن) على الكرمه يعاند راس ماله لا ارتفع سهم المراجل يشري وعينه قوية من سموّه تحسب ان طويق واحد من عياله ومن دماثة جانبه ما كن فـ اهل الخير زيه العب ببشتك وردد يا للا له يا للا له واضرب هموم الحياة بقو باس وعنجهية من يعشق الطيب والامجاد لا حد الثمالة في ميادين الثنا لا بد نضرب له تحية والمطيري يتعب الشاعر ولا يتعب خياله في جنابه ماتساق الا البيوت الملحمية كيف لا ومطير ربعه ذروة المجد وكماله سيرة(ن) يشهد لها التاريخ في نجد العذية ثبتوا ركن السعودية على عزم وبسالة وحاضرين(ن) فـ اغلب ايام العرب في الجاهلية سربة(ن) من خيلهم تملى الفضا حق وعدالة وان بغوها عنصرية والله انها عنصرية قلتها وانا بقمي(ن) يعرف حقوق الزمالة والمدايح في زحول مطير لي ماهي عليه