Akashathile kuruvikal | Easter Special | Vayalar | K Raghavan

On the auspicious day of Easter, SRG presents a Christian song from the movie 'Rebecca (1963). Song credits: Singers: Devadas Vempanat Audio mixing and Mastering: Ram Music Studios Video editing: Ram Music Studios Description: Dr Suja AN Original Credits: Movie: Rabecca (1963) Lyrics: Vayalar Rama Varma Music: K Raghavan Singer: KJ Yesudas സ്നേഹം, സഹനം, കരുണ എന്നീ ഉദാത്ത ഗുണങ്ങൾ ജീവിതവ്രതമാക്കുകയും അവ സ്വായത്തമാക്കാൻ ജനങ്ങളെ നിരന്തരം ഉദ്ബോധിപ്പിക്കുകയും ചെയ്ത വലിയ മനുഷ്യസ്നേഹിയായിരുന്നു യേശുക്രിസ്തു. ഈ ഈസ്റ്റർ ദിനത്തിൽ, എക്കാലവും പ്രസക്തമായ ചില ക്രിസ്തുവചനങ്ങൾ കൊരുത്ത ഒരു സിനിമാഗാനം വളരെ പ്രസക്തമാകുന്നു. ബൈബിളിലെ വളരെ പ്രസിദ്ധമായ ആശയമാണ് "ആകാശത്തിലെ കുരുവികൾ വിതയ്ക്കുന്നില്ല കൊയ്യുന്നില്ല" എന്നത്. രണ്ടായിരം വർഷങ്ങൾക്കുമുൻപും ആർത്തിയും പകയും വെറുപ്പുമെല്ലാം മനുഷ്യൻ്റെ സന്തത സഹചാരികളായിരുന്നു എന്നു വേണം കരുതാൻ . സ്വത്ത് സമ്പാദിക്കാൻ ഏതു ഹീനകൃത്യം ചെയ്യാനും മടിക്കാത്ത മനുഷ്യനെ, അതിൻ്റെ അർത്ഥരാഹിത്യത്തെയും അതു കൊണ്ടെത്തിക്കുന്ന വിനാശത്തെയും ബോധ്യപ്പെടുത്തുവാനാണ് അദ്ദേഹം ആകാശത്തിലെ കുരുവികളുടെ ഉദാഹരണം പറഞ്ഞത്. ഈ ആശയമാണ് ഈ ഗാനത്തിൻ്റെ കാതൽ. ക്രിസ്തീയ പശ്ചാത്തലത്തിൽ എഴുതപ്പെട്ട കഥയ്ക്ക് തോപ്പിൽ ഭാസി തിരക്കഥയും കുഞ്ചാക്കോ സംവീധാനവും നിർവ്വഹിച്ച് 1963 ൽ റിലീസ് ചെയ്യപ്പെട്ട സിനിമയാണ് റബേക്ക . അക്കാലത്തെ രീതിയനുസരിച്ച് പത്തോളം ഗാനങ്ങളാണ് ഇതിൽ ഉൾപ്പെടുത്തിയിട്ടുള്ളത്. വയലാർ ഗാനരചനയും കെ. രാഘവൻ സംഗീതവും ഒരുക്കി, യേശുദാസ്, എ.എം. രാജ , പി.ബി. ശ്രീനിവാസ്, പി.ലീല, പി.സുശീല, എസ്. ജാനകി, ജിക്കി എന്നീ മുൻനിര ഗായകർ ഗാനങ്ങൾ ആലപിച്ചു. നാലു ഗാനങ്ങൾ ഭക്തിഗാനങ്ങളാണെന്ന പ്രത്യേകത ഈ സിനിമയ്ക്കുണ്ട്. ആകാശത്തിലെ കുരുവികൾ, ബലിയല്ലാ, യറുശലേമിൻ നായകനെ, നിത്യസഹായനാഥാ എന്നിവ. എന്നാൽ ഇവ കൃത്യമായും പ്രാർത്ഥനാഗാനങ്ങളാണെന്നു പറയാനാവില്ല. ആകാശത്തിലെ കുരുവികൾ പ്രത്യേകിച്ചും. ( ആഗ്രഹനിവൃത്തിക്കു വേണ്ടിയുള്ള അപേക്ഷകളാണല്ലോ ഭക്തിഗാനങ്ങളേറെയും.) യേശു എന്തിനുവേണ്ടി നിലകൊള്ളുകയും ജീവത്യാഗം ചെയ്യുകയും ചെയ്തോ , അതിനു വിരുദ്ധമായിരുന്നു മനുഷ്യൻ്റെ പ്രവൃത്തികൾ എന്നും ആ സ്നേഹ പ്രവാചകനെ കുരിശിലേറ്റുകയാണ് നമ്മൾ മനുഷ്യർ ചെയ്തതും, ചെയ്തു കൊണ്ടിരിക്കുന്നതും എന്നുമുള്ള ഒരു വിമർശനപരമായ വിലാപമാണ് ഗാനത്തിൽ ഉൾച്ചേർന്നിരിക്കുന്നത്. അറുപതുകളിലെ ആദ്യവർഷങ്ങളിൽ, ശബ്ദം തുറന്നുവരുന്നതിനു മുൻപും യേശുദാസിൻ്റെ മൃദുസ്വരത്തിലുള്ള ആലാപനം എത്രമാത്രം ആകർഷകമായിരുന്നെന്ന് ഈ ഗാനം തെളിയിക്കുന്നു.