Enrik Mehmeti përcillet sot për në banesën e fundit, Rama pjesë e homazheve në teatrin “Petro Marko”

#oranews #vlore #edirama #enrikmehmeti #kryeministri Kryeministri Edi Rama ka marrë pjesë në homazhet e zhvilluara për gazetarin Enrik Mehmeti, të cilat po mbahen në teatrin “Petro Marko” në Vlorë. Gazetari Enrik Mehmeti humbi jetën pasditen e së shtunës, në moshën 40-vjeçare, pas një aksidenti me motor në zonën e plazhit të Porto Novës, në Zvërnec. Familjarë, miq, kolegë dhe përfaqësues të institucioneve janë mbledhur për t’i dhënë lamtumirën e fundit gazetarit të njohur, i cili për vite me radhë ka raportuar ngjarjet dhe problematikat nga qarku i Vlorës. Homazhet po zhvillohen në teatrin “Petro Marko”, ndërsa ceremonia e përcjelljes së fundit është parashikuar të mbahet në orën 14:00. Pas lajmit të ndarjes nga jeta të Mehmetit, reagime ngushëllimi kanë ardhur edhe nga figura të tjera politike, mes tyre kreu i Partisë Demokratike Sali Berisha dhe Sekretari i Përgjithshëm i Partisë së Lirisë, Tedi Blushi. Humbja e gazetarit 40-vjeçar ka sjellë dhimbje te komuniteti mediatik dhe qytetarët e Vlorës, ku ai ishte një figurë e njohur për raportimet e tij ndër vite. Për më shumë lexoni: https://www.oranews.tv/politike/lamtu... Website: www.oranews.tv Youtube http://bit.ly/2DDddtL Facebook: http://bit.ly/2RkUN4s Instagram   / oranews.one   X https://x.com/oranews_one Follow Televizionin Ora News