ለተገለጠልን መታዘዝ፦ ክፍል 41| የዮሐንስ ወንጌል | በወንጌላዊ ያሬድ ጥላሁን| The Gospel Of John By Evangelist Yared Tilahun |

"አብ ወልድን ይወዳልና፥ የሚያደርገውንም ሁሉ ያሳየዋል፤ እናንተም ትደነቁ ዘንድ ከዚህ የሚበልጥ ሥራ ያሳየዋል።" ዮሐ. 5፡20 ከፍጥረት አንስቶ አብ፣ ወልድ፣ መንፈስ ቅዱስ እንዴት አብረው እንደሚሠሩ የሚያስየው ይህ የጌታ ኢየሱስ አስደናቂ ንግግር ፤ የወልድ ድርሻ በአብ ልብ ውስጥ ያለውን ጥልቅ ነገር እንኳ ሳይቀር በመንፈስ ቅዱስ በመረዳት (1ቆሮ. 2፡10-12) በተግባር መሥራት እንደ ሆነ እንገነዘባለን። እሱ ማለትም ጌታችን ኢየሱስ ክርስቶስ ከአብ የተገለጠለትንና የተረዳውን ፈቃድ እንደሚተገብረው ሁሉ እኛም በመንፈስ ቅዱስ የተገለጠልንን በፍጹም መታዘዝ ልንተገብረው ይገባል። ለዚህ የተቀደሰ ዓላማ እንደ ገና ተፈጥረናልና። (ኤፌ. 2፡10) መቼም የእግዚአብሔር ፈቃድ እንዲገለጥልን አጥብቀን እንፈልጋለን። ሆኖም የሚገለጥልን የእሱ ፈቃድ እንጂ የእኛ አይደለምና እኛን ደስ የሚያሰኝ ላይሆን ይችላል። የእኛን ሥጋዊ፣ ጊዚያዊና ምድራዊ ምኞት ባያሳካም የእግዚአብሔር ፈቃድ እንደ ሆነ ከተረዳን ለተገለጠልን እንታዘዝ። መልካም ትምህርት!!!