Sali Berisha tur elektoral ne Burrel dhe Mirdite - (18 Qershor 2001)

Lajme Arkiva - TV Klan 2001 Kreu i Bashkimit për Fitore Sali Berisha, ka prezantuar sot në Burrel, kandidatët e këtij grupimi Gani Hoxha dhe Avni Shehu. Ju jap fjalën tha Berisha, nga vendlindja dhe sheshi që mban emrin e Ahmet Zogut, se do të mbajmë të gjitha premtimet. Sali Berisha, Kryetar i PD:- “Si do që të votoni, ne do ju respektojmë, vetëm një kërkesë kam ndaj jush, ju jeni të mençur, ju bëj thirrje të përdorni votën kundër korrupsionit. Unë këtu kam Avni Shehun, i cili gjatë pesë vjetëve në Gjykatën e Lartë, ky burrë i Matit, ka dënuar me dhjetëra zyrtarë të PD dhe socialistë për korrupsion”. Berisha iu ka premtuar matjanëve ndërtimin e rrugës Mat - Qafë Shtamë - Tiranë, zgjerim të ferrokromit, trefishimin e bursave për këtë rreth etj. Më tej Berisha ka vazhduar në Mirditë, ku ka prezantuar kandidatin e bashkimit për Fitore Kolin Gjoka. Berisha është ndalur tek kundërshtari socialist Ndre Legisi, ndonëse emrin nuk ka dashur t’ia përmend. Kryetari i PD ka premtuar se autostrada Durrës-Prishtinë do të kalojë nga lugina e Fanit dhe do të përshkojë Mirditën nga fillimi në fund. Rubiku ka qenë stacioni i fundit i turit elektoral të kreut të Bashkimit për Fitore në këtë zonë, ku është prezantuar dhe kandidati Luigj Gjoka./tvklan.al Gazetare – Ornela Bego SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/