إصبر وأبيك اتكمل الدرب وتسير ..لاحاولو في طيحتك .. كارهينك 🔥💪

إصبر وأبيك اتكمل الدرب وتسير .. لاحاولو في طيحتك .. كارهينك ياكثر ماقلبك .. تحمل مشاوير هالحين ذاك الدرب .. والله يعينك الوضع لو كله مصادم وتكسير مدامك الوافي ،، مهم كاسرينك إفرد جناحك واكفخ العز ياطير ماعاش من فكّر بيومٍ .. يهينك لاتلتفت صوب العفون المعاثير اللي على أدنى حاجةٍ حاسدينك مايظهرونك .. شلة عوير وزوير مايظهرك .. إلا تعبك ويمينك ومرافق اللي يصفطون الاشاوير ومجالس اللي قربهم سعد عينك ترّك اربوعٍ ... للمصالح مداوير والله ماهم ،،، بالصامله محتمينك وسنّد على ربعن احشامٍ مناعير اللي على جور الليالي .. تعينك وأوصيك بأربع .. لاتدور معاذير اخلاقك وقدرك ..وطيبك ودينك وأوصيك بأربع في عملهن ،، تباشير واحفظهن بقلبك .. وصدرك .. وعينك لاجاك من عالت عليه .. المقادير واهو رجل .. لاتذخر اللي بيدينك ولاجاك من خيّب ظنونك : تياسير لاتقول : يومي كنت محتاج وينك ! ولاجاك طلاب النصيحه لو أمير عطه النصيحه بس : بينه وبينك ولاجاك منهو يدور الهرج تدوير قلل كلامك ... لاتبيح كنينك والناس لو هم وقفولك .. طوابير ماردو اللي مِنكتب في جبينك حط الأمل في خالقك تبشر بخير ولامن زرعت الخير .. تزهر سنينك #مبارك_الحجيلان #تذوق_مصمم #شعر