Ոստիկանի սպանության կասկածանքով ձերբակալված 41-ամյա Մանուկ Մարգարյանը խոստովանական ցուցմունք է տվել

Բաժանորդագրվեք մեզ՝ https://bit.ly/3pbzs0J #Նալբանդյան #5tv Ոստիկանի սպանության կասկածանքով ձերբակալված Նալբանդյան գյուղի բնակիչը խոստովանական ցուցմունքներ է տվել: Ըստ Քննչական կոմիտեի՝ 41-ամյա Մանուկ Մարգարյանը մեքենայի մեջ հրազեն է պահել, շաբաթ՝ լույս կիրակի երեկոյան, ոստիկանական խումբը գնացել է Մարգարյանի հետքերով: Վերջինս էլ, նկատելով ոստիկաններին, անկանոն կրակել է նրանց ուղղությամբ: Այդ օրն էր Ներքին գործերի նախարարությունը հայտնել, որ կրակոցներից մեկ ոստիկան զոհվել է: Մահացած սպան ոստիկանության օպերլիազոր կապիտան Հայրապետ Ստեփանյանն է: Եվս մեկ ոստիկան տարբեր աստիճանի մարմնական վնասվածքներ էր ստացել, հոսպտիալացվել: Կրակահերթից հետո զինված տղամարդը փախել էր, ավելի քան 6 ժամ է տևել նրան հայտնաբերելու ոստիկանական օպերացիան: Նա թաքնված է եղել գյուղում, որտեղից էլ ձերբակալվել ու բերման է ենթարկվել: Դեպքի օրը «Հայլուրի» թղթակիցներին Նալբանդյանում ասել են, որ տղամարդը նախկինում եղել է ոստիկանների ուշադրության կենտրոնում՝ թմրանյութեր օգտագործելու պատճառով: Ըստ գյուղացիների վարկածի՝ թմրադեղերի ազդեցության տակ Մանուկ Մարգարյանը մի քանի կրակոց է օդ արձակել, ինչից հետո տագնապած գյուղացիներից մեկը ահազանգել է ոստիկանություն: Դեպքի վայր եկած ոստիկանական խմբին նա միանգամից դիմավորել է կրակոցներով ու փախել: