Këshill bashkiak në Rubik nuk njihet nga prefektura - (3 Mars 2004)

Lajme Arkiva - TV Klan 2004 Në Mirditë, problemet mbeten pezull, ekziston një këshill bashkiak në Rubik, që merr vendime por nuk njihen nga prefektura. 17 anëtarët që fituan të drejtën e anëtarësimit pas konstituimit të këshillit bashkiak, njihen edhe nga KQZ, por prefektura shprehet se numri i këshilltarëve dhe dokumentacioni që i është dërguar është i gabuar, ndaj nuk mund të quhet i ligjshëm konstituivi i këtij këshilli. Por pavarësisht se nuk njeh këshillin bashkiak e mjaft vendime të marra nga kjo, prefektura njeh rastin e miratimit të bursave nga ky këshill për studentët. “Opinioni im është ky, që arsyet janë për të penguar punën, sepse nuk ka arsye tjetër. Fare mirë këshilli mund të njihet dhe nëpërmjet proceseve gjyqësore mund të bëhet reduktimi i numrit të anëtarëve të këshillit. Në qoftë se do të vazhdojmë me procese gjyqësore, ky këshill nuk do të funksionojë, sepse proceset gjyqësore vazhdojnë në shkallë të ndryshme dhe dihet që në Shqipëri, dihet problemi se si mund të shkojnë proceset gjyqësore dhe sa mund të zvarriten, por nga zvarritja e gjyqeve unë gjykojë që nuk fiton asnjeri”. Këshilltarët socialistë nuk marrin pjesë në këto vendime, duke braktisur mbledhjet e këshillit të bashkisë së Rubikut. Tashmë është gjykata që do të vendos, por deri në shprehjen përfundimtare të vendimit të saj, këshilli bashkiak do të vazhdojë punën normalisht./tvklan.al Gazetare – Holta Zhiti SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/