Lənkəranda 10-dan çox məktəb “Təhsildə keyfiyyət ili” çərçivəsində fərqlənib

Bu il Azərbaycanda təhsilin keyfiyyətinin artırılmasına daha da diqqət göstəriləcək. Ölkənin təhsil sisteminin qarşısında duran əsas vəzifələr keyfiyyətli təhsil və yüksək ixtisaslı kadr hazırlığıdır. 2017-2018-ci dərs ilinin “Ümumi təhsildə keyfiyyət ili” elan edilməsi də bu vəzifənin uğurla həll edilməsində mühüm rol oynayır. Keyfiyyət ilində qarşıya qoyulan məqsədlər Lənkəranın təhsil müəssisələrində də prioritet hesab olunur. Rayonda 10-dan çox məktəb “Təhsildə keyfiyyət ili” çərçivəsində fərqlənməyi bacarıb. Məktəblərin müasir avadanlıqlarla təchizi, müəllimlərin peşəkarlıq səviyyəsinin yüksəldilməsində əməkhaqlarının artırılması ilə nəticələnən diaqnostik qiymətləndirmələrin keçirilməsi, dövlət ümumtəhsil məktəblərində uşaqların məktəbəhazırlıq təhsilinin təşkili təhsilin keyfiyyətinə birbaşa təsir göstərir. 2017/2018-ci dərs ilinin “Təhsildə keyfiyyət ili” elan olunduğu bir ərəfədə Lənkəranda da yüksək keyfiyyətli təhsilə nail olmaq üçün ilk növbədə tədris şəraiti müasir standartlara uyğunlaşdırılır. Lənkəran Şəhər Təhsil şöbəsinin müdiri Aslan İbrahimov:“ Biz keyfiyyət ili ilə bağlı monitorinqlər keçiririk. Bu günlərdə monitorinqlər ayrı- ayrı məktəblərdə davam edir.Biz keyfiyyətin özünün təhlil edirik. Şagird nailiyyətlərinin izlənilməsi istiqamətində fəaliyyətimizi davam etdiririk.Və bundan sonra da Lənkəran təhsilində keyfiyyət önəm kəsb edəcək.” Lənkəranda 85 tam orta məktəb var ki ,onlardan 15-ə yaxını “Təhsildə keyfiyyət ili” çərçivəsində fərqlənən məktəblərdir.Bunlardan Lənkəran şəhər Xarici Dillər Təmayülü Gimnaziya ,şəhər 4,6,7,8,10 nömrəli məktəblər ,eləcə də Şürük ,Boladi kənd məktəbləri seçilir.Fərqlənən məktəblərin direktorları tətbiq olunan hər bir müsbət yönümlü tədris metodundan məmnundurlar Lənkəran şəhər 6 saylı tam orta məktəb-liseyin direktoru Akif Xalıqov : “İlkin növbədə müəllimlərin pedaqoji fəaliyyətlərin xəritəsi tərtib olunub. Müəllimlərimizin informal təhsil istiqamətində ölkənin ayrı-ayrı məktəbləri ilə, Bakı şəhərinin 6 məktəbi ilə əməkdaşlıq edirik..Monitorinqlər aparılıb ,bütün məktəb üzrə” Bundan əlavə, hər ay ibtidai siniflərdə tətbiq edilən summativ qiymətləndirmələr də şagirdlərin biliklərinin obyektiv qiymətləndirilməsində mühüm rol oynayır. Bütün bu yeniliklər tədrisin keyfiyyətinin yüksəlməsinə, şagirdlərin daha həvəslə təhsil almalarına zəmin yaradır. Aygün Əliyeva,Rəcəb Hüseynzadə ,Lənkəran