Ризабекке қарсылас табыла ма? Қанат Есеналиевпен еркін күрес белдесулерін талдау.

Бүгінгі сұхбат қонағы - күресті дәріптеуші танымал блогер Қанат Есеналиев. Әңгіме барысында еркін күрестен бәсекелердің алғашқы күнін қорытындыладық. Әр салмақтағы чемпиондар жайлы өз пікірін айтқан маманның пікірінше ішкі бәсекелестік артып келеді. 57 келіде Айтанов Нұрданат,61 келіде топ жорған Аллан Оралбек сынды жас балуандар ауыр бәсекелестіктен өтіп құрамада орын алуға лайықты екенін дәлелдеді,Аллан Оралбек тіпті басты фавориттердің бірі Асылжан Есенгелдіні ұтып кетті. 74 келіде күресетін Нұрқожа Қайпановқа іште жақсы қарсылас өсіп келе жатқандай. Ақтық бәсекеде жас балуан Нұрдаулет Сейлбек әлем чемпионына стилі ыңғайсыз қарсылас болып көрінді. 79 келі салмақта да жас балуандар өздерін жақсы көрсетті. Бұл салмақтың көшбасшысының турнирге қатыспауы бірталай жас балуанға өзін көрсетуге мүмкіншілік берді. 97 келіде Ризабек Айтмұханға шақ келер қарсылас жоқ. Барлық қарсыластарын айқын басымдылықпен ұтқан Ризабектің өзімен өз-өзімен психологиялық тұрғыда жұмыс жасағаны көрініп тұр. Әңгіме барысында басқа балуандарға Ризабектің үлгі бола алатынын алға тарттық.