ብፁዕ አቡነ ኤልሳዕ የሶማሌ ክልል (ጅግጅጋ) እና የምሥራቅ አርሲ አህጉረ ስብከት ሊቀ ጳጳስ፣ የቅዱስ ሲኖዶስ አባል ጉብኝት!!

ብፁዕ አቡነ ኤልሳዕ የሶማሌ ክልል (ጅግጅጋ) እና የምሥራቅ አርሲ አህጉረ ስብከት ሊቀ ጳጳስ፣ የቅዱስ ሲኖዶስ አባል የሶማሌ ሀገረ ስብከት ጽሕፈት ቤት የሚያስገነባው ባለ አምስት ወለል (G+5) ሁለገብ ሕንጻ አሁን የደረሰበትን ደረጃ ጉበኙ። ++++++++++++++++++++ #ሰኔ_፲_ቀን_፳፻፲፰_ዓ.ም ++++++++++++++++ 👉በዚሁ የጉብኝት መርሐ ግብር ላይ፦ -ክቡር ሊቀ ካህናት ቀሲስ ኢዮብ ወንድሙ የሶማሌ ሀገረ ስብከት ዋና ሥራ አስኪያጅ -ሊቀ ትጉሃን ንጉሤ ጸጋዬ የሶማሌ ሀገረ ስብከት ዋና ጸሐፊ -የሀገረ ስብከቱ የልዩ ልዩ ክፍል ኃላፊዎች የተገኙ ሲሆን!! አሁን የመጀመርያው ወለል (First Floor) ተጠናቆ ሁለተኛውን ለመሙላት ኮለኖች በሙሉ ተሞልተው የተጠናቀቁ መሆኑን የጎበኙት ብፁዕነታቸው ይህንን ግዙፍ ሕንጻ ስንጀምር ምንም ካፒታል መነሻ በእጃችን ላይ አልነበረንም ግን እግዚአብሔር አግዞን ከሀገረ ስብከቱ ሥራ አስኪያጅ ጀምሮ የሀገረ ስብከቱ የልዩ ልዩ ክፍል ኃላፊዎች እንዲሁ የገዳማትና የአድባራት ሠራተኞች ከአስተዳዳሪዎች ጀምሮ የአንድ ወር ደመወዛቸውን በመልቀቅና የቀን ሠራተኛ ከአንድ እስከ ሃያ ዘጠኝ የሠራተኛ ክፍያ መቻል እንዲሁም በጉልበትም ጭምር አስተዋጽዖ በማድረግ የንስሐ ልጆቻቸውን በማስተባበር በዓይነትና በገንዘብ ያልተቋረጠ ድጋፍ ስለነበር ነው እዚህ የደረስነው ሲሉ አመስግነው አሁንም ሁለተኛውን ፍሎር ለመሙላት መትጋት ይገባናል ስለሆነም ይህ ግዙፍ ፕሮጀክት በሀገረ ስብከቱ ሥር ያሉ በተጓደለ ሁኔታ አገልግሎታቸው እየፈጸሙ የሚገኙ ገዳማትና አድባራትን በዘላቂነት ለመደገፍ አብነት ትምህርት ቤቱን በማጠናከር ትውልድ መተካት ታስቦ የሚገነባው ይህን ሕንጻ ግንባታ መደገፍ ማለት የምንወዳትን ከእናት በላይ የሆነችን ስንወለድ የተጠመቅንባት ስንሞት የምንቀበርባት ክቡር ሰውነታችንን የምናሳርፍበት ቅድስት ቤተ ክርስቲያን ለቀጣይ ትውልድ ለማሻገር አሻራ ማኖር ነውና በሀገር ውስጥ ሆነ በውጭ የምትገኙ ውድ ኦርቶዶክሳውያን ልጆቻችን የአቅማችሁን በማድረግ ከአበው ታሪክ ተቋደሱ መንፈሳዊ በረከት እድታገኙ፣ በማለት አባታዊ ጥሪ አስተላልፈዋል። በረከት ማግኘት ለምትፈልጉ የባንክ ሂሳብ የኢትዮጵያ ንግድ ባንክ፦ 1000662272756 • አቢሲኒያ ባንክ፦ 215496813 • አባይ ባንክ፦ 3059410945739219 . አሐዱ ባንክ አካውንት ቁጥር 0065710110901 . ኢ-ብር 093 579 9997 መሆኑን እንገልጻለን።