Lauga Aso Sa 09/11/2025 - Rev. Penieli Tela | EFKAS Alofisa O Le Atua

Sunday Service every Sunday Location: 297-305 Old Castlereagh Rd, Castlereagh NSW 2749 Time: 10am ━━━━━━━━━━━━━━━━━━━━━━━━━━━━━━━━ Tusi Faitau Aso EFKAS 2025 SAILIGA MO SE FILEMU (SEARCHING FOR SHALOM (2)) Aso Sā – Novema 09: “Aua le popole” (Do not worry) Tusi Faitau – Mataio 6:25–34 ff. 33-34: “A ia outou muai saili lona malo ma lana amiotonu; ona faaopoopo- ina atu lea o ia mea uma ia te outou. “O lenei, aua tou te popole i le aso a taeao; auā e popole le aso a taeao i ana lava mea. E tatau i le aso lona lava leaga.” O le fuaitauga o le asō, ua felu’iaina ai tagata faatuatua ma nisi sa faalologa i le lauga faaauau a Iesu i le mauga. Ua na iloilo lelei mataupu faaleagaga i le uunaia ai lagona popole, ia taula’i i le Atua ma lona malo. O le faalagolago i le Atua e mafai ona maua ai le tamaoaiga ma le amiotonu o le Atua. “A ia outou muai saili lona malo ma lana amiotonu; ona faaopoopoina atu lea o ia mea uma ia te outou. O lea apoapoaiga ina ne’i popole i manaoga o le tino. O le Atua e manatu mamafa i le natura o se faamaoniga i ana sauniuniga mamalu. O le manaoga poo le faamalieina o le ola e le mafai ona foia ai faafitauli o le manaoga faapitoa. E le o le ofu, meaai, poo le vai, “Se a foi le mea tou te popole ai i ofu? aua ne’i outou popole i o outou ola, i mea tou te aai ai, ma mea tou te inu ai, po o outou tino, i mea tou te oofu ai”. O le su’esu’eina o mea lilo loloto i se nofoaga e pei o le mauga na lauga ai Iesu. O lea sa lalaga ai se lapataiga malosi i amioga e ao ona faatino i le faamaoni. Ua valaauina ai tagata uma ina ia malaga ma le faatuatua, ia aunoa ma le lagona popole i manaoga o le tino. O le malaga e moomia ai le saili i le Atua i lona filemu e tetee atu i tofotofoga o le soifuaga. O le Atua ma ana sauniuniga e faamaoni, o lona lea malo amiotonu.