"Heykəl məhbusu" Bayram Məmmədov bu səbəbdən ölüb

Mayın 5-i sosial şəbəkələrdə ictimai fəal Bayram Məmmədovun ölüm xəbəri yayılıb. Onun meyiti Türkiyədə dənizdə tapılıb. Bayram Məmmədov 2016-cı il mayın 10-da ictimai fəal Qiyas İbrahimlə bərabər prezident Heydər Əliyevin heykəlinə yazdıqları "Qul bayramınız mübarək!" şüarı ilə yadda qalıb. Həmin ilin mayında narkotik maddələrin qanunsuz dövriyyəsi maddəsilə təqsirləndirilən Bayram Məmmədov 10 il müddətinə həbs olunub. Bayram Məmmədov və 3 məhbus yoldaşı həbsxanada bloqer Mehman Hüseynovun həbsinə etiraz olaraq müddətsiz aclıq aksiyası keçirib. Bayram və Qiyas "heykəl məhbusları" kimi tanınıb. Onlar 2019-cu ildə Prezidentin əfv sərəncamı ilə azadlığa buraxılıb Həbsdən çıxan Bayram Məmmədov təhsilini davam etdirmək istəsə də oxuduğu Bakı Slavyan Universitetinə bərpa edilməyib. Bir müddət əvvəl Türkiyəyə köçən Bayram Məmmədov İngiltərədə təhsil almağa hazırlaşırdı. #Türkiye #İstanbul #BayramaNeOldu