వెంకటగిరిలో మహిళా కౌన్సిలర్ పై దాడి..? VGR NEWS

తిరుపతి జిల్లా వెంకటగిరి మున్సిపల్ కౌన్సిల్ సమావేశం రసాభాసగా సాగింది. సమావేశం వాడి వేడిగా కొనసాగుతుండగా వార్డులోని పలు సమస్యలపై 19 వ వార్డు కౌన్సిలర్ షేక్ వహీదా ప్రసంగిస్తుండగా ఆమె ప్రసంగాన్ని 17వ వార్డుకు చెందిన కౌన్సిలర్ పూజారి లక్ష్మి అడ్డు తగలడంతో ఇరువురు కౌన్సిలర్లు వాదోపవాదాలతో సమావేశాన్ని పక్కనపెట్టి వ్యక్తిగత వాదనాలకు దిగారు. ఈ వాదనలు చినికి చినికి గాలి వానలా మారాయి. ఈసమావేశం నిర్వహిస్తుండగా చైర్పర్సన్ నక్క భానుప్రియ అర్ధాంతరంగా సభ లో నుంచి వెనుతిరిగారు. పూజారి లక్ష్మిపై వ్యక్తిగత విమర్శలు చేశారన్న నేపంతో వారి మహిళ అనుచరులు 19 వార్డు కౌన్సిలర్ పై దాడి చేసేందుకు మున్సిపాలిటీ చేరుకున్నారు. దీంతో సమాచారం అందుకున్న పోలీసులు మున్సిపల్ కార్యాలయంకి చేరుకొని అందరినీ అక్కడ నుంచి చెదరగొట్టారు . అనంతరం బయటికి వచ్చిన పలువురు కౌన్సిలర్ల పై 17 వ వార్డు కౌన్సిలర్ చెందిన కొందరు 19వ వార్డు కౌన్సిలర్ వహీదా పై అసభ్య పదజాలంతో దూషిస్తూ దాడికి యత్నించారు. అక్కడే ఉన్న పోలీసులు ఇరువురిని సర్ది చెప్పి పంపించే క్రమంలో పూజారి లక్ష్మితో పాటు తన వాహనంలో బయలుదేరుతున్న చైర్మన్ వాహనాన్ని 19వ వార్డు కౌన్సిలర్ వహీదా నేలపై బైఠాయించి అడ్డుపడ్డారు. మున్సిపల్ కార్యాలయ ఆవరణలో ఈ ఘటన చోటు చేసుకోవడంతో తనకు క్షమాపణ చెప్పాలని వహీదా డిమాండ్ చేశారు. అనంతరం పోలీసులు జోక్యం చేసుకొని ఇరువర్గాల కౌన్సిలర్లను సద్దుబాటు చేసి మున్సిపల్ కార్యాలయం నుంచి ఎటువంటి వివాదాలు లేకుండా బయటికి పంపించారు.