VIONGOZI 16 WA CUF ZANZIBAR WATANGAZA KUJIUZULU NAFASI ZAO

Viongozi 15 wa Chama cha Wananchi (CUF) Zanzibar leo Jumapil, Juni 28, 2026 wametangaza kujiuzulu kwa sababu mbalimbali ikiwemo kutoridhishwa na uongozi wa sasa. Akizungumza kwa niaba ya viongozi 15 waliojiondoa Zanzibar, Omar Mohamed Hassan amesema wamefikia uamuzi huo kutokana na kutoridhishwa na mfumo wa uongozi uliopo pamoja na migogoro ya mara kwa mara inayokikumba chama. Aliyekuwa Mwenyekiti wa Wilaya Kaskazini A, Vuai Kona Haji amesema tangu ajiunge na CUF hajawahi kuwa mwanachama wa chama kingine lakini sasa ameona hana sababu ya kuendelea kutokana na migogoro isiyokwisha. Kwa upande wake, Makamu Mwenyekiti wa CUF Zanzibar, Haroub Mohamed Shamsi amesema hadi sasa chama hakijapokea barua rasmi kutoka kwa viongozi hao. "Chama kitatoa tamko rasmi endapo kitapokea barua za kujiuzulu. Hadi sasa hakuna barua yoyote iliyowasilishwa kwetu," amesema.