#ભુજમાં નકલી દુકાનના નામે કરોડોનું હવાલા કૌભાંડ ઝડપાયું...

#ભુજમાં નકલી દુકાનના નામે કરોડોનું હવાલા કૌભાંડ ઝડપાયું... #ભુજમાં સાડીઓના વેચાણની દુકાનના નામે ભાડાના બેંક એકાઉન્ટ ખોલાવી નાણાંની હેરાફેરી કરવાના કારસ્તાનનો પરદાફાસ... #પોલીસે બે શખ્સોને પકડી પાડ્યા... #ભુજ ખાતે સુરતથી આવીને ચાર શખ્સોએ સાડીની દુકાન ખોલવાના ઓઠા હેઠળ ખોટા ભાડા કરાર ના દસ્તાવેજ બનાવી શિવ શક્તિ એન્ટરપ્રાઇઝ નામની પેઢી ઊભી કરી GST ઉદ્યોગ સર્ટિફિકેટ બનાવી તથા ખોટા શબ્દોમાં વાળા આધારકાર્ડ બનાવી બેન્ક ખાતા ખોલાવી ગેરકાયદેસર હવાલા અને છેતરપિંડીના નાના અલગ અલગ બેન્ક એકાઉન્ટમાં જમા કરાવવાના કારસ્તાનનો પોલીસે પર્દાફાસ કર્યો હતો. આ અંગેની મળતી માહિતી પ્રમાણે સુરતના બે યુવાનો ભુજમાં એન્જિનિયરિંગ કોલેજ રોડ પર આવેલ હિરાણી પાર્ક-2, માં શિવ શક્તિ એન્ટરપ્રાઇઝ નામની એક પેઢી ઉભી કરી તેમજ ખોટા ઉદ્યોગ સર્ટીફીકેટ બનાવી ખોટા સરનામા વાળા આધારકાર્ડ બનાવી અલગ અલગ પેઢીઓના નામે ભુજની અલગ અલગ બેંકોમાં ખાતા ખોલાવવા અને સંબંધિત ખાતાઓમાં નાણાકીય છેતરપિંડી કરવાની સાથે સાથે ગેરકાયદેસર નાણાંના હવાલા કરતા હોવાની બાતમીના આધારે પશ્ચિમ કચ્છ જિલ્લા પોલીસની ગુના શોધક શાખાએ દરોડો પાડ્યો હતો. જેમાં દીપક હરજી મારૂને અટકમાં લેવાયા બાદ તેની પૂછપરછમાં હવાલા કાંડનો ખુલાસો થયો હતો. પકડાયેલ આરોપી દીપક મારું પાસેથી પોલીસે અલગ અલગ બેંકોમાં ભાડા કરારના આધારે બેંકોમાં ખાતા ખોલાવવા અને સંબંધિત ખાતાઓમાં ચેતરપિંડીના નાણાંના હિસાબ તથા દસ્તાવેજી પુરાવા કબ્જે કરાયા હતા. મૂળ બોટાદ જિલ્લાના સુરત રહેતા દીપક મારુંને પકડી પાડ્યા બાદ તેની પાસેથી આધારકાર્ડ, અલગ અલગ બેંકોની પાસબુક, ચેકબુક, એટીએમ કાર્ડ, તથા ભાડે રખાયેલ દુકાનોના નોટરી કરેલા દસ્તાવેજો અને ઉદ્યોગ સર્ટિફિકેટ, આઈસીસી સર્ટિફિકેટ, તથા જીએસટી સર્ટિફિકેટ વગેરે કબજે કરાયા છે. પોલીસ પૂછપરછમાં આરોપી દીપકએ કબૂલ્યો હતો કે તે અને કટાર ગામમાં રહેતા દિગ્વિજય સુરેશભાઈ ગીડા દોઢેક મહિના અગાઉ ભુજ આવ્યા હતા અને દિગ્વિજયભાઈએ દીપકના અસલ આધાર કાર્ડ પરથી ભાડે રખાયેલ દુકાનોનો ભાડા કરાર કરાવ્યો હતો. આ ભાડા કરાર પરથી દુકાન માલિકની જાણ બહાર સુરતના જયદીપ દેવરાજભાઈ મારુંના નામે બનાવટી બાળા કરાર કરેલ જેમાં જયદીપનું ભુજના ખોટા સરનામાનો ઉપયોગ કરી આધારકાર્ડ, ઉદ્યોગ કાર્ડ અને જીએસટી રજીસ્ટ્રેશન કરાવ્યું હતું પોલીસે આ મામલે દીપક હરજી મારુ તથા મૂળ બનાસકાંઠાના સુરત રહેતા અમિત મહાદેવ ચૌધરી ની ધરપકડ કરી વધુ તપાસ હાથ ધરી છે. પોલીસ તપાસમાં ચોકાવનારી વિગત સામે આવી છે જેમાં દીપક મારું અને મહાદેવ ચૌધરી અલગ અલગ કરંટ ખાતાઓ ખોલાવવા માટે જયદીપ મારુંને, રૂપિયાની લાલચ આપી સુરતથી ભુજ મોકલ્યા હતા. સુરતના આ ચાર શખ્સો હવાલા કૌભાંડની પોલીસે પોલ ખોલી નાખતા કેટલાક કબૂતર બાજો દોડતા થઈ ગયાનું પણ જાણવા મળે છે. ભુજ શહેર એ/ડિવિઝન પોલીસ મથકે LCB શાખાએ ભારતીય ન્યાય સંહિતા 2023ની જુદી જુદી કલમો હેઠળ ગુનો નોંધાવ્યો હતો. નોંધનીય છે કે ભુજમાં શિવ શક્તિ તથા સોનબાઈ એન્ટરપ્રાઇઝ નામથી પેઢીઓ રજીસ્ટ્રેશન કરવામાં આવી છે તેમજ ભાનુશાલી નગરમાં જે દુકાન શરૂ કરાય છે તેનું નામ રુદ્રાક્ષ એન્ટરપ્રાઇઝ રખાયું છે આ મામલામાં પોલીસે ખૂબ જ ઊંડાણપૂર્વકની તપાસ હાથ ધરી છે.