Bie tavani në shkollën 9-vjeçare “7 Marsi” në Tiranë - (17 Nëntor 2005)

Lajme arkiva 2005 Albert Lenja: “Për sa i përket faktit që përmende herë pas herë që ne kemi lejuar punimet në shkolla. Kjo nuk është bërë në prani të nxënësve. Kjo nuk është ndonjë gjë e re sepse dihet se në shumicat e rasteve ne jemi detyruar të punojmë dhe në prani të zhvillimit të aktivitetit mësimor, por duke u përpjekur që në një masë sa më të madhe të evitojmë këto aksidentet e tjera që mund të shoqërojnë një proces ndërtimi.” Pyetjes nëse bashkia ndjen veten përgjegjëse mbi ngjarjen zoti Lenja u përgjigj. Albert Lenja: “Në qoftë se jo keni dëshirë patjetër të më nxirrni ndonjë përgjegjës. Mund të na bëni të tillë.” Ky është reagimi i Bashkisë së Tiranës lidhur me incidentin e ndodhur dje në shkollën “7 Marsi” në tiranë. Ku tavani i një klase u përplas mbi kokat e nxënësve. Fakt është se Bashkia e Tiranës nuk e ka marrë ende në dorëzim shkollën në fjalë nga firma që ka bërë ndërtimin. Nxënësit janë lejuar të hynë në ambientet e shkollës pasi një gjë e tillë ka ndodhur edhe në raste të tjera megjithëse akti formal i përfundimit të punimeve nuk është kryer. Ajo që dihet është që shkolla ka qenë e braktisur sot nga nxënësit e saj të cilët kanë nisur të zhvillojnë mësimin në dy shkolla të tjera. Mësuese: “Mësimi sot u zhvillua në dy shkolla të tjera. Në shkollën “Hasan Vogli” dhe siç e shikoni jemi edhe këtu në shkollën “Sami Frashëri”. Të dyja shkollat vunë në dispozicion ambientet mësimore për tërë klasat tona dhe do të jetë një proces normal mësimi.” Ndërkohë përfaqësuesit e firmës ndërtuese Sirius janë shprehur për nj të përditshme se kanë dërguar dy psikologë për të asistuar fëmijët e shokuar dhe kanë ngritur një grup ekspertësh për të hetuar shkaqet e ngjarjes./tvklan.al Gazetar: Rezart Lahi SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/