DİQQƏT! Maqnezium Əskikliyin 8 VACİB ƏLAMƏTİ

#demədidemə #maqnezium #sağlamlıq Maqnezium son dövrlərdə daha da populyarlaşıb. Və onun bu şöhrəti qazanmaq haqqı var. Çünki dünya miqyasında insan orqanizmində çatışmazlığı daha çox hiss edilən minerallardan biridir. Əsas səbəb odur ki, maqnezium torpaqda mövcud deyil… 1. Maqnezium çatışmazlığının bir neçə qaynağı var. Qidalanma vərdişi də bunlardan biridir. “Aralıq dənizi pəhrizi”ndən savayı bütün pəhrizlər maqnezium çatışmazlığı ilə nəticələnə bilər. Artıq bildiyiniz kimi, “Aralıq dənizi pəhrizi” çoxçeşidli pəhrizdir. Təbiətdə insanın qidalana biləcəyi faydalı nə varsa, hamısı bu pəhrizə daxildir. Hələ də, “Aralıq dənizi pəhrizi” haqqında məlumatlı deyilsinizsə, rəylərdə yazın, yaxın günlərdə bir video da məhz bu pəhrizin təqdimatı olaraq hazırlayım. 2. Maqnezium çatışmazlığının bir səbəbi də, yaşlanmadır. Yaş artdıqca maqneziumun orqanizm tərəfindən mənimsənilməsi çətinləşir. Xüsusilə, 60 yaşdan yuxarı insanlarda maqnezium çatışmazlığını bildirən simptomlara daha çox rast gəlinir. 3. Köklük də maqnezium çatışmazlığına gətirib çıxarır. Hər artan 1kq çəki ilə bərabər orqanizmdəki mənimsəmə reaksiyaları dəyişkənliyə uğrayır. Elə bir məqam gəlir ki, orqanizmdəki maqnezium ehtiyatı tükənir. Maqnezium çatışmazlığının köklüklə paralel rast gəlindiyini həkimlər də etiraf edir. Belə hallarda maqneziumla zəngin qidalar rasiona daxil edilməli, hətta qida əlavəsi kimi maqnezium qəbul edilməlidir. 4. Alkoqol… Bəli, alkoqol qəbul edən insanlarda maqnezium çatışmazlığı var. Söhbət asılılıqdan getmir. Gündəlik vərdişləri sırasında, bir stəkan da olsa, alkoqol qəbul etmək olan insanlar belə, maqnezium çatışmazlığından əziyyət çəkirlər. 5. Bəzi dərman preparatları da maqnezium çatışmazlığı yaradır. Misal olaraq; təzyiq dərmanları, sidikqovucular və sair. Onlar natriumla birgə maqneziumu da sürətlə orqanizmdən xaric edirlər. Hətta onların “yükündə” kalium və xlor da olur. Bu baxımdan ən “təhlükəlisi” sidikqovucu xüsusiyyətə malik olan təzyiq dərmanıdır. Ondan istifadə edəniniz varsa, yaxud yaxınlarınızdan biri bu dərmandan içirsə, maqnezium çatışmazlığının mövcudluğundan əmin ola bilərsiniz. Yeganə çıxış yolu qida əlavəsi kimi maqnezium qəbuludur. 6. Qusma və ishal ilə müşayiət olunan xəstəliklər zamanı da maqnezium orqanizmdə qərar tuta bilmir. Sürətlə xaric olunan maddələr içərisində maqneziumun seçilərək orqanizmdə qalması məntiqsizdir, onsuz da. Əslində, qusma və ishal sonrası orqanizm təkcə maqneziumun deyil, kaliumun da qıtlığını yaşayır. Çarə yenə qida əlavələrindədir. 7. Mədə xəstəlikləri zamanı qəbul edilən istənilən qida rahat həzm olunmur. Normal qidalanmanı tənzimləmək xətrinə insanlar bəzi dərmanlar qəbul edirlər. Nəticədə, maqnezium çatışmazlığı meydana çıxır. Çünki mədə qoruyan dərmanların tərkibi əksər mineralların mənimsənilmədən orqanizmdən xaric edilməsinə hesablanıb. Maqneziumla zəngin qidaların qəbulu burada yetərsiz qalır. Yaxşı olar ki, bu mineralı qida əlavəsi kimi qəbul edəsiniz. 8. Maqnezium çatışmazlığının səkkizinci səbəbi böyrək çatışmazlığıdır. Ümumiyyətlə, böyrəklərlə bağlı hər hansı problem yaşayan insanlar maqnezium və kalium çatışmazlığının hər an peyda olacağı ehtimalını nəzərə almalıdırlar. Və hər iki mineralın miqdarının kəskin azalması sağlamlıq üçün təhdiddir. Bu 8 vəziyyətdən hansısa biri ilə qarşı-qarşıyasınızsa, maqnezium çatışmazlığı yaşadığınızdan şübhələnməkdə haqlısınız. Problem özünü müəyyən simptomlarla biruzə verir. İstəsəniz, bu barədə də bir video hazırlayaram. Vurğulamaq istədiyimsə budur: maqnezium orqanizmdə 300-dən çox mənimsəmə reaksiyasının yerinə yetirilməsində önəmli rola malikdir. Onun əksikliyi ciddi xəstəliklərə səbəbiyyət verə bilər. Sağlamlığınızı qoruyun! Sağlam olduqda həyat daha gözəl yaşanır!