羅啟豪 譚輝智紅館騷連環熱舞 二人秘密練兵向歌迷送驚喜

羅啟豪 譚輝智紅館騷連環熱舞 二人秘密練兵向歌迷送驚喜 羅啟豪 譚輝智 嘅紅館演唱會圓滿落幕， 狄波拉、 陳淑芬、 肥媽 Maria Cordero 、 張佳添 、周國豐、中聲家族等圈中人都有嚟捧場！啟豪同輝智演唱多首歌曲，又親切行近觀眾握手。二人更合體連跳《極速》、《叮噹》、《脫掉》、《越夜越有機》等多首舞曲，令全場觀眾尖叫。 而喺二人各自嘅Solo part部分亦同樣精彩！啟豪化身鋼琴王子一展琴技，自彈自唱陳百強嘅《我的故事》，至於輝智就有獨舞部分，流利嘅舞功令觀眾眼前一亮。不過輝智就話，雖然觀眾唔覺眼，但佢自知係有少少甩碌。而啟豪就話，自己喺社交平台都有分享迎接演唱會嘅倒數Post，一直都好想分享練琴畫面，不過又要為保持神秘感忍住。佢仲話，上年開騷時都表演過一小段自彈自唱，今次挑戰全首歌，自己都好開心，亦可以滿足歌迷一直想睇佢展技琴技嘅願望。 喺開紅館開Show係每個歌手嘅夢想，完Show後，啟豪同輝智都好唔捨得，仲話未夠喉！而令啟豪有強烈不捨感嘅係同輝智唱最後一首歌嘅時候，因為連結住佢哋嘅友情，而且知道係最後一首，唱完就完騷，亦因為天雨關係延遲咗開場，所以冇得再遲落去。 #羅啟豪 #譚輝智 #紅館 #演唱會 #舞曲 #唱跳 #驚喜 #自彈自唱 #狄波拉 #陳淑芬 #中聲家族 #神秘感 #鋼琴王子 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁   / tvbenews   登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0