Հռոմի Պապ կարող էր դառնալ հայազգի կարդինալը, բայց խանգարեցին. Աշոտ Աղաբաբյան

Վատիկանի սահմանադրությունը գրել է Կարդինալ Աղաջանյանը, որով առաջնորդվում են մինչ օրս։ 24News-ի «Անուշադրության կենտրոն» հաղորդաշարի եթերում ասաց գրող, բազմաթիվ փաստավավերագրական վեպերի հեղինակ Աշոտ Աղաբաբյանը։ Արձակագիրը, խոսելով վերջերս լույս տեսած իր «Կարդինալը» վեպի հերոսի մասին նշեց. «Նա երկու անգամ մասնակցել է Հռոմի պապի ընտրություններին և համարվել ամենահավանական թեկնածուն։ Բոլորը սպասում էին, որ սպիտակ ծուխը դուրս կգա, և Հռոմի պապ կընտրվի Գրիգոր Պետրոս XV Աղաջանյանը։ Սակայն Իտալիայի, ԱՄՆ-ի և հրեական հետախուզությունները միլիոններ են ծախսել, որպեսզի թույլ չտան, որ Աղաջանյանը դառնա Հռոմի պապ»,– ասաց նա և հավելեց. «Նա եղել է Հռոմի Կաթոլիկ եկեղեցու պատմության ամենաազդեցիկ և խոշորագույն հոգևոր-քաղաքական գործիչներից մեկը: Երկրորդ համաշխարհային պատերազմից հետո, երբ հայաբնակ Քեսաբը հանձնվեց Թուրքիային, Կարդինալ Աղաջանյանն իր միջազգային բարձր կապերի և Վատիկանի լծակների շնորհիվ կարողացավ կանխել Սիրիայի հայաբնակ Քեսաբ շրջանի հայաթափումը և փրկել տեղի հայ բնակչությանը թուրքական սպառնալիքից։ Զարմանալի փաստ է այն, որ 2024 թվականին, իր կտակի համաձայն, տեղի ունեցավ Աղաջանյանի վերահուղարկավորությունը, և, ի զարմանս բոլորի, նրա մարմինը 53 տարի անց պահպանվել էր նույն վիճակում, ինչ հուղարկավորության պահին։ Այժմ կաթոլիկ եկեղեցին նրա սրբադասման գործընթացն է իրականացնում»։ Մոտեցող ԱԺ ընտրություններին և մասնակցությանը վերաբերող հարցերին պատասխանելիս Աշոտ Աղաբաբյանն ասաց. «Կարևոր եմ համարում քաղաքացիական պարտքի կատարումը։ Կարևոր է մասնակցել ընտրություններին․ ում կընտրեք կամ չեք ընտրի, ձեր որոշումն է, բայց պետք է մասնակցել, որպեսզի ձեր ձայնը ձերը լինի»։ Աշոտ Աղաբաբյանը խոսեց նաև իր «Ռեզիդենտը» վեպի, ինչպես նաև «Թակարդը», «Մենակը», «Նմանակը» և մյուս գրքերի մասին, որոնց հերոսները իրական և նշանավոր մարդիկ են, սակայն լայն հանրության համար մնացել են անհայտ։ Մանրամասները՝ տեսանյութում։ Անի Տեր-Գուլանյան #24News #Անուշադրությանկենտրոն #ԱնիՏեր-Գուլանյան #ԱշոտԱղաբաբյան #ԿարդինալԱղաջանյան Հետևի’ր 24News-ին այլ սոցցանցերում   / 24news.am     / 24newsarmenia     / 24news.am   https://t.me/twentyfournews © 2024 24News. Բոլոր իրավունքները պաշտպանված են: 24TV-ում տեղադրված նյութերն օգտագործելիս ակտիվ հղում տալը պարտադիր է: Կայքում տեղադրված այլ հեղինակների և բանախոսների արտահայտած կարծիքը կարող է չհամընկնել 24TV-ի խմբագրության տեսակետի հետ: Address: Dzorap 40, Office Area 23. E-mail: [email protected] Tel. +374 41 240060 Գովազդի համար զանգահարել +374 41 240060 #24News #24TV #Լուրեր