УКЛО CoLab 2026 - дводневен настан со европска агенда за наука, иновации и одржлива исхрана

Универзитетот ,,Св. Климент Охридски“ - Битола, член на Aлијансата КОЛОРС, на 12 и 13 мај 2026, го реализира меѓународниот настан „Колабораториум: ,,Од нуспроизводи до функционална храна – Одржливи пристапи за здравјето на потрошувачите“. Настанот обедини експерти, истражувачи, студенти, претставници од индустријата и академската заедница кои дискутираа за одржливо управување со прехранбени нус-производи, развој на функционална храна, циркуларна економија во агро-прехранбениот сектор,иновации за подобро јавно здравје и одржлива исхрана. Целта на ваквиот формат беше да се поттикне соработка меѓу различни сектори и да се премости јазот помеѓу академската заедница и реалниот сектор, во духот на четворниот хеликс пристап. Колабораториум го организираше УКЛО КОЛОРС во соработка со партнерските универзитети: Jan Dlugosz University и University of Castilla-La Mancha, кои активно учествуваат во програмата и во дискусиите.