Ақтөбе облысында тасқыннан үйсіз қалған қараталдықтар қазір киіз үйде түнеуге мәжбүр

БІЗДІҢ YOUTUBE АРНАҒА ТІРКЕЛІҢІЗ:    / @informburo31kanal   --------------------------------------------- Теңдессіз жобамызға көз салыңыз:    • Сөздің шыны керек: [журналистік зерттеулер]   Бишімбаев ісі -    • Бишімбаев ісі   Су тасқыны бойынша барлық ақпарат -    • Су тасқыны // Төтенше жағдай   Жұмбақ өлімдер -    • Жұмбақ өлім   Бүгінгі шығарылымда: Ақтөбе облысында тасқыннан үйсіз қалған қараталдықтар қазір киіз үйде түнеуге мәжбүр. Жаз бойы жан сауғалап шыққан жұрт қара суықта далада қалар түріміз бар дейді. Созбалаңға салынған құрылыс соңғы аптада күрт тоқтап, көптің күдігін тіптен күшейткен екен. Құрылыстың тоқтауына не себеп? Бөлінген қаржы бүлінген үйді бүтіндей ала ма? Әріптесім Нұрадин Рақай білген еді. Тасқын су тып-типыл еткен Қараталда қираған 126 үй қайта салынуы тиіс-тін. Бірақ көбінің мәселесі әлі шешілмеген. Әзірге 38 баспананың ғана қоныс тойы тойланса, қалғаны қаңыраған күйінде қалған дейді ел. ГҮЛМИРА КӨҢІЛҚОСОВА, Қаратал ауылының тұрғыны: – Әні келеді, міні келеді деген адамдарға сендік. Сабырлы болайық деп өзімізді ұстадық. Ешқандай нәтиже жоқ. Енді біз қалдық. Дірдектеп тоңып отырмыз. МӘТЖАН СЕМБІҒАЛИЕВ, Қаратал ауылының тұрғыны: – Қазір салқын түсті. Бірақ енде амал жоқ отырмыз. Қайда барамыз? Енді міні балалардың сабаққа баратын уақыты болып қалды. Міні отырмыз. Киіз үйде күн кешкен халықтың қайғысы қалың. Күн жылыда амалдап шыққан көп, күздің қара суығында қайда барарын білмейді. ГҮЛЗЕЙНЕП ОРАЛБАЕВА, Қаратал ауылының тұрғыны: – Осылай тастап кетті. Майланған жоқ. Төбесінің ваталарын да салған жоқ. Аяқсыз қалып түр. Стяжкасы құйылған жоқ. Мына жер бөлінген жоқ ештеңе. Тұр осылай. Кім істейді? Істейтін адам қайда? Қайда паналаймыз? Қай жаққа барып паналаймыз деп отырмыз? Дірдектеген дүйім елдің дүрбелеңіне құрылыстың күрт тоқтауы себеп болған. Жауаптылар шалғай елдімекенге құрылыс материалдарының жеткізілу жағы кешіккенімен түсіндіреді. Қазір жұмылдырылған компанияға шаруаны ширатуға, қыркүйектен қалмай елу пайыз жұмысы біткен үйді аяқтауға дем беруге ден салдық дейді. АЗАМАТ ИСМАГУЛОВ, Ойыл аудандық құрылыс бөлімі басшысының міндетін атқарушы: – 12 мердігер компания құрылыстарды қыркүйек айында аяқтауға уәде беріп отыр. Тұрғындар құрылыстың басы-қасында жүр. Кейбір тұрғындар «Жаса компани» мердігерге қатысты шағымдар айтып жатыр. Бұл компания қазіргі уақытта сегіз үй бойынша 50 пайыз жұмыстарын анықтады. Жұмысшылар қатарын арттырды. Мердігерге уақтылы әрі сапалы жасау тапсырмасы қойылды. Осылайша атқарушы билік аз уақыт саябырсыған құрылысқа қайта жан бітті деп сендірді. Айта кетейік, қаржыландыру «Қамқор-Ақтөбе 2024» қоры арқылы жүзеге асуда. Қазірге дейін жалпы Ойық ауданындағы 172 үй қаржыландырылып, 63 баспана ел игілігіне берілді. --------------------------------------------- Біз барлық әлеуметтік желідеміз, тіркеліңіз: Бізді әлеуметтік желіде оқыңыздар: Информбюро 31    / @informburo31kanal   Informburo kz    / @informburokz2022   Facebook -   / informburo31   Instagram -   / informburo31   WhatApp - https://whatsapp.com/channel/0029VaDm... TikTok - https://www.tiktok.com/@informburo31?... Біздің сайт: www.31.kz және www.informburo.kz #Информбюро #31арна #БастыЖаңалықтар #АқиқатынАйтайық