Орта ёлакъ шивеси. Багъчасарай лехчеси. Бахчисарайский говор среднего диалекта крымтатарского языка

Ана тилимизнинъ зенгинлигини анъламакъ ичюн, оны даа яхшы бильмек ичюн «Тувгъан тильнинъ байлыгъы» адлы янъы лейхамызны отькердик. Къырым кой ве шеэрлерини бойлап, адамларнынъ шивелерде лаф эткенини динълеп, янъы сёзлерни огрендик. Ана тилимизнинъ узун ве меракълы тарихы бар. Эвельден къырымтатар тили языда арап уруфатыны (графика) ишлете эди. 1928-1938 сенесине къадар латин арифлеринен языла эди. 1938 сенесинден башлап, шимдики куньге къадар кирил уруфаты ишлетиле. 1928 сенеси орта ёлакъ шивеси земаневий эдебий тилимизнинъ темели оларакъ къабул олунды. Амма кене де онынъ озюне хас чизгилери бар. Багъчасарайда яшагъан адамлар орта ёлакъ шивесинде лаф этелер. Не ичюн орта ёлакъ дейлер? Чюнки Къырымнынъ шимали (север) ве дженюбининъ (юг) арасында, яни ортасында ерлеше. Орта ёлакъ Акъярдан башлап, Багъчасарай, Акъмесджит, Къарасувбазар, Эски Къырымдан кече. Тилинде эм чёль шивесине, эм ялы бою шивесине аит чизгилер бар. Китап ве газеталарда къулланылгъан тиль, мектепте дерслерде огретильген тиль орта ёлакъ шивесине пек ошай. БАЗЫ СЁЗ ВЕ ИБАРЕЛЕРНЕН ТАНЫШ ОЛАЙЫКЪ: бубер – бибер – перец дугуль – дегиль – не (частица) джувмакъ – ювмакъ – мыть джурмек – юрьмек – ходить саб – саип – хозяин, владелец када – къардаш – младший брат, младшая сестра тюме – дёгме – пуговица дувар – дивар – стена лядж – илядж – лекарство ——————————————— Крымская региональная общественная организация «Арманчыкъ» предлагает вашему вниманию один из 5 фильмов из серии проекта «Тувгъан тильнинь байлыгъы» (Богатство родного языка), поддержанного Госкомнацем РК. Для того, чтобы полностью увидеть наши фильмы в отличном качестве о диалектах и говорах крымскотатарского языка (ускутский, арпатский, таракташский, керченский и бахчисарайский), мы предлагаем вам подписаться на наш канал «Арманчыкъ» на ютубе и увидеть все фильмы там. Ну а сегодня предлагаем вашему вниманию путешествие по сердцу нашего Крыма - Бахчисараю. Бизнен олунъыз!