Böyrəküstü vəzi xəstəlikləri haqqında A-dan Z-yə..Dr.Hidayət Məmmədzadə ilə

Böyrəküstü vəzilər cüt orqanlardır, hər iki böyrəklərimizin üstündə yerləşirlər. Hər vəzin təxminən 4 qram ağırlığı vardır. Embrioloji, histoloji və funksional olaraq bir birindən fərqli olan iki fərqli qisimdən ibarətdir. Vəzin 90% -ni əhatə edən qabıq maddə və az bir qismini isə mərkəzdə yer alan beyin maddəsi tutur, bunların istehsal etdikləri hormonlar və uyğun olaraq xəstəlikləri də fərqli olur. Böyrəküstü vəzin qabıq maddəsi (adrenal korteks) üçqatlı olub çeşidli hormonlar istehsal edir. Bu hormonlar xolesterini mənşəli olub, steroid tərkiblidir. Aldesteron, kortizol, cinsi hormonlar (androgenlər) bu qatın əsas hormonları sayılır. Beyin maddədən isə (adrenal medulla) bir amin turşu olan tirozindən sintezlənən adrenalin (epinefrin), noradrenalin (norepinefrin) hormonları istehsal olunur ki, bunlara da tibb dilində katexolaminlər deyirik. #böyrəküstüvəzi