Arrestohet autori i vrasjes së 47-vjeçares në Ersekë (11 Gusht 2004)

Lajme Arkiva 2004 Policia e Korçës arreston K. B., të dyshuarin kryesor për vrasjen e P. B.. 53-vjeçari mendohet të ketë masakruar bashkëshorten e tij pasi e ka kapur atë në flagrancë. Ngjarja tragjike ndodhi në qytetin e Ersekës, e ndërsa B. u arrestua natën e së martës nga Policia e Korçës. Burime zyrtare nga Policia e Ersekës bëjnë të ditur se trupi i masakruar i 47-vjeçares u gjend në një godinë të braktisur pranë një rezervuari në dalje të qytetit të Ersekës. Vrasësi e kishte masakruar trupin e 47 -vjeçares me 9 thika në pjesët e sipërme të trupit si dhe ia kishte prerë kokën. Nga masakrimi u deshën disa orë që të bëhej identifikimi i kufomës së gjetur nga dy persona të cilët njoftuan edhe policinë lokale. Menjëherë pas kësaj ngjarje u shoqëruan në polici disa persona, por i dyshuari, si autori i vrasjes makabre, mbetet bashkëshorit i saj. Drejtoria Rajonale e Policisë së Korçës bën të ditur për Televizionin Klan se ekzistojnë të gjitha provat materiale që sollën prangosjen e bashkëshortit. Krimi mendohet se ka ndodhur në kushtet e tronditjes së rëndë psikike, ku 53-vjeçari K. B. e ka therur gruan e tij pasi e ka kapur atë në flagrancë në një godinë të braktisur të ish-pularisë së qytetit. E ndërkaq 47-vjeçarja është përcjellë për në banesën e fundit. Dhe vetëm pas kryerjes së ceremonisë mortore, Prokuroria e Rrethit të Kolonjës lëshoi urdhër-arrestin për bashkëshortin e saj, tashmë i arrestuar si autori i vrasjes. /tvklan.al SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/