Janiç: Dorëheqja e Vuçiç, revolucion në Serbi. Protestat po çojnë drejt ndryshimit politik

Analisti Dushan Janiç e cilëson të mirëpritur njoftimin për dorëheqjen e presidentit serb, Aleksandar Vuçiç. Në një intervistë për MCN TV, ai tha se një vendim i tillë do të mundësonte kalimin e pushtetit nga individi Vuçiç dhe partia drejt institucioneve të shtetit. Sipas tij, situata në Serbi po tensionohet për shkak të protestave dhe rritjes së dhunës, ndërsa besueshmëria e Vuçiçit në arenën ndërkombëtare është dobësuar. Janiç shtoi se kryeministri Gjuro Macut nuk ka peshë politike, ndërsa studentët janë shndërruar në forca kryesore të ndryshimit qytetar. Ai theksoi se Serbia ndodhet në një moment vendimtar politik.