إلى مسافرة (قلبي المكتول كمد).. حمد الريح (عود)

نعالج القبح بالجمال ــــــــــــــــــــــــــــــــــــــــــــــــــــ إلي مسافرة (قلبي المكتول كمد) ــــــــــــــــــــــــــــــــــــــــــــــــــــ كلمات: عثمان خالد غناء: حمد الريح ــــــــــــــــــــــــــــــــــــــــــــــــــــ يا قلبي المكتول كمد أعصر دموعك هات غنوة لي سيد البلد يا حليلو *** حليلو قال سايب البلد حليلو كيفن يبتعد وكيفن نسيبو يروح بعيد في رحلة مجهولة الأمد يا حليلو ****** كل العمر كان لحظة واحدة نشوفو والشوق يتقد نسكر نغيب من لطفو من دلو الحبيب من لونو من كرز المغيب الرامي محلو الثمر في شفايفو زي ياقوت ندر وفي شكلو زي نص القمر مبتل مثير مخلوق عشان أحلي الثغور وأشواقنا تتعطش تطير من نفحة من مجرى العبير ومن لفتة من جيدو النضير ومن لفظة من ثغرو المثير الفيهو ريان الثمر وبيهو القلوب كم تئتمر لو مرة سيد الناس أمر وبي نظرة بدوب حجر وبي بسمة بتضوى العمر يا حليلو ****** حليلو قال ناوى السفر وكيف الوداع لامن يحين وكت السفر أهديك زهور حاشاي وأنت ندى الزهر أهديك حروف يا أجمل أحرف في الدهر أهديك حنان ما قلبي عندك من زمان وأنا راجي عطفك ومنتظر أهديك حروف ما قالا زول وما أظن يقولا وراي بشر أهديك عيوني عشان استريح ما الدنيا بعدك ما بتسر يا حليلو …………….. إنا لله ياخ