黃宗澤拍《執法者們》嘆死過翻生 陳豪馬國明冇份去山東感傷心

黃宗澤拍《執法者們》嘆死過翻生 陳豪馬國明冇份去山東感傷心 集合三大視帝 陳豪 馬國明 黃宗澤，以及 吳啟華 蔡潔 羅子溢 洪永城 劉穎鏇 陳星妤 等參與演出嘅新劇《執法者們》舉行煞科慶功宴，今次拍攝過程充滿挑戰，劇組特登去到山東一個荒廢嘅鑽油台取景，不過阿Mo同馬明就冇份去，馬明就話自己好恨去山東，去唔成令佢好傷心，而阿Mo就搞笑話，雖然冇份去，但精神就與大家同在。 而親身去到當地拍攝嘅Bosco就以死過翻生來形容拍攝感受，因為拍攝地點遠，冇辦法日日返酒店，索性就住喺片場。至於拍檔蔡潔就大讚Bosco非常照顧劇組，經常準備鮑魚幫大家加餸。Bosco同蔡潔喺劇中會有感情線，因為二人私下好老友，所以拍起上來默契十足，仲經常爆肚，蔡潔話自己加咗好多台詞，包括不斷問Bosco自己靚唔靚，搞到Bosco非常無奈。 劉穎鏇今次首次同阿Mo合作，佢話開心之餘都喺呢位視帝身上學到好多嘢，Tiffany話自己係第一次喺劇中著上律師袍，見到阿Mo講法律專業用語非常熟練，表現專業，果然好有視帝風範。 子溢喺熱播劇《家族榮耀之繼承者》中同 梁洛妍 有唔少愛情動作戲，呢日Tony一見到子溢，即刻七情上面扮嬲交足戲，Tony仲諗到報復嘅方法，就係話要搵子溢嘅太太楊茜堯傾偈。 至於有一段時間冇返香港拍劇嘅吳啟華，今次可以同咁多好戲之人合作，佢都話好過癮，仲嫌唔夠喉，希望可以再開續集一路拍落去。 #陳豪 #馬國明 #黃宗澤 #蔡潔 #羅子溢 #洪永城 #劉穎鏇 #陳星妤 #吳啟華 #執法者們 #山東 #鑽油台 #鮑魚加餸 #愛情動作戲 #扮嬲交足戲 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁   / tvbenews   登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0