GUHEREKEZA UMUKOZI W'IMANA BARNABÉ KU MPANDA KURIKIRANA UKO VYARI VYIFASHE

Shalom. Intahe mu ncamake ya Nyakwigendera Mwalimu BARANYEDETSE Barnabé. Yarangije ku myaka 50. Yarabaye umwigisha muri Ndava-Ryansoro na Lycée communal y'i Kiremba. 2001_2005 yize Université y'Uburundi. Yarigishije no kuri Lycée du Saint Esprit na Ecole française. Akora no mw'ishirahamwe ry'abanyamerika riri mu gihugu. Asengerwa no mu bu diyakoni, akaba yari umwe mu barongozi bo muri Chorale Nyakarambo na Korer'Imana. Yasize umufasha n'abana 8. Hatanguye isengesho rya Pasteur Enock Mbegwa. Ashima Imana yo yaremye umuntu, ata wayiherekeje. Turashima imirimo y'Imana ikora, kuko tuyigaye, tuba tugaye Imana. Ashima Imana ko umugeni yatashe, ubu ari mu gikiriza ca Aburahamu ariho heza gusumba ahandi hose ho mur'iyi si kandi ko Imana yoremesha abandi. Haririmbge n'indirimbo 186: "Izina ry'Umwami wacu Yesu...." Chorale Nyakarambo yaririmvye ko har'ibanga ry'abamenye Imana, bariko baja mw'Ijuru, bafise amasezerano y'Ubgami, y'ubugingo budashira. Ko Nyakwigendera yaranzwe n'ivyiza vyinshi, Imana yibutse ibikorwa yakoze. Chorale Korer'Imana yaririmvye ko ni twamara gushikayo, tuzokwama tunezerewe, ntituzongera kwibuka imibabaro twagize. Umunsi wo kuza kwa Yesu Kristo uregereje cane. Uguhinda kwawo kurumvikana, inzamba igir'ivuge. Agakiza kacu karatwegereje kurusha igihe twizereye. Umwungere wa 2 w'i Kiremba yavuze ijambo ry'Imana. Nta kintu c'icaduka, ca giturumbuka mw'isi kuko irazi ivy'umuntu kuva kera. Yasomye 1 Ab'i Tesalonike 4:13-18. Abantu b'i Tesalonike bari bafise Agakiza keza n'intahe nziza. Bakabona uyu munsi naka aragiye, ejo uwundi. Iyo ibihe nk'ivyo bije bizazanira benshi. Ariko Paulo arabaremesha ko ibiriko birababako, atar'icaduka ar'urugendo kand'aho bagiye, ari heza, bajanye icubahiro, ar'intwari kuko bagumye kuri yo. Inzira Barnabé aciyemwo n'iyo Yesu ubgiwe yaciyemwo. Tumenye ko inzira abacu baciyemwo ariyo Yesu yaciyemwo. Imana yaremeye ko Stefano ategwa amabuye, arajabuka amahoro. Iyi nzira, abakozi b'Imana benshi barayiciyemwo, bamwe bakanyaruka kuyicamwo, abandi bagateba. Twiruranishe ayo majambo, tuzosubira kubonana. Kandi Nyakwigendera bariganye na Mwungere wa 2 muri Lycée Matana, Mwungere arongoye groupe biblique. Yamubonye arondera Imana, ar'uw'ikimazi. Akanya kanyuma yamubonye mu bitaro Kira, yamubonye arimwo ama sondes, afise umunezero, umengo yoguruka. Ac'aririmba akaririmbo mu gifaransa: "Le Ciel s'abat, la gloire est dans mon coeur. Quel merveilleux jour." Agomba kumufasha kukaririmba, aramubuza, ati reka ndakiririmbane kuko yarabona umunsi mwiza imbere yiwe. Mureme mu mutima. Yanasomye Zaburi90:10. Iminsi y'imyaka yacu n'imyaka 70 canke 80. Imana itwigishe guharura iminsi yacu, uburyo butuma dutunga imitima y'ubgenge. Daniel12:2. Aba bose tubona barangije, n'abo tutabona, bazokwikangura umunsi umwe, gusa bamwe bazokwikangurira ubugingo budashira, abandi bikangurire amagorwa. Iminsi yo kubaho mw'isi si myinshi, n'uworamba si myinshi, umuntu yame yiteguye. Uwundi kw'iherezo, amaze igihe arwaye, bamubajije bati ubona iki? Nawe ati namba ari satani, ndamubona. Mama wiwe yama amusengera, kuko yar'akijijwe,akomeza amusengera. Aramubaza ati uwokuzanira umukozi w'Imana, wokwihana? At'ego me. Yihanye, bahejeje kumusengera, aratwenga, avuga ko abona umuco, arinda aheza neza. Imana ishimwe. Ariko hariho abashika kw'iherezo, bakavuga ko babona umuriro. Uwundi muhinga kw'iherezo ryiwe, yavuze ngo c'est fini les comédies kuko yariko aja habi. Ibi tuvuga bamwe babifata nk'ibisanzwe ariko ah'imbere gato, vyose bizosobanuka. Imana idutabare, duhitemwo neza. Amen. Ndakwifurije mugenzi kuzojanwa n'indirimbo z'abamarayika, ntuzojanwe n'induru. Amen. Mwungere wa 2 yaciye aha umwanya Pasteur Nungararo Charles w'i Bujumbura asenge, ac'ashima Imana kubg'amajambo, asengera Umuryango n'ishengero, asenga ko n'utaratunganya ubugingo bgiwe, umuntu wese agenderwe n'Imana, atunganye ubugingo kuko turi mu rugendo, iwacu ni mw'Ijuru. Amen. Uwatanga imyanya Mwalimu Eric, yavuze ngo umuntu wese yibaze, umunsi wiwe n'ushika, bizogenda gute? Hazovugwa iki? Bashizemwo audio ya Nyakwigendera yarungikiye bene Data ari mu bitaro, aho yavuga ko Yesu akora. Abahanura ko batonyiganyiga, umubiri ng'ubajane ah'ugomba. Mwalimu Gilbert yavuze ko yar'afise umwete n'ubgenge buhanitse, isoko yabgo vyagaragara ko bgavuye mw'Ijuru. Yarangwa n'umwete udashobora gutururuzwa n'ikintu na kimwe. Habaye intambamyi, yavuga ngo: "Ingo dusenge, kuko vyose biva ku mavi." Har'ikibazo kigeze kuza bari kumwe na Nyakwigendera, Nyakwigendera ac'amubgira ati pfukama aho nyene. Bapfukama mw'ivu, Imana ifata mpiri umuntu ari mu Burusiya. Uburyo abantu bagenda mw'ivugabutumwa buraboneka, abantu baragenda kuko uburyo aribgo bgari bgabuze. Ikindi yagwanira umutima kuruta ibindi. Amufonye, yamubaza iy'ari, agasanga yamushikiye. Akamubgira ati nashaka ko dutunganya iki, twuzuze aha n'aha. Ikindi gihe arabaza Nyakwigendera ati kubera iki, igihe cose twapanze ama projets, yose yagiye mu ngiro? Amwishura ati ni wama u