قصيدة لـ سعود كمال العفيصان

الله علــى بيتــن كبـارن مــبانـيـه عــلى طــريق العــام كلــن يــدله بــناه فعل سعود و سعـود راعــيه ولد كمــال مكــمل الطيــب كــله بأغلى ثمن جابه من السوق شاريه به مجلسن لا جيت له : مــا تمـله بيت الشـيوخ اللي كبارن مـعانـيه الضيف و الطرقي يجي تحت ظله سعـود من تبـطي بعيده حـراويه أبـوه لفعـول السـطــر غــاذيلــه أبــوه شــيخن كلــنا نفتــخر فيه حـرن مخــاليبه ســوات الأخـله شيخ السطر بسعود رسخ مباديه ليــن أرتفـع مثل النجوم المطله ( سعود ) بالطولات منهو يحاليه لا تـاه غــيره بـ المراجـل يــدلـه دايم على الطولات مكبر هقاويه زيــزومنا اللي كل عقــدن يـحلـه الله يديـــمه ذخــر والرب يحميه ويكفيه شر الحسد من فاطنن له و يطول بـ عمره و يبعد معاديه وجه الرجال اللي ينومس محله مــعشين هذا . . و هـذا مغـديه و درب المراجل دايمٍ ضــارينله عليه من حاتم وصوف و تشابـيه يصــعـد عـلو المــرجلة مــا نـزله ولا جيت وسط البيت عمه مراكيه صميدعن جعل الردي فدوتن له كــامل أبو عــدنان ماني بناسـيه كــل الفــعول الطيــبه زاهبن له كنه هـديب الشام لا حل طـاريه لا كبرت الصــعبات حمله يشله مــن الفــجر فنجال بنه مسويـه هــذي يقــدمها و هــذي يــزلـه بيتن تجيه أهل المراجل و تلفيه و سوالـفن تجلي عن الكبد عـله وتشوف أبوعلوش جالس بكرسيه قــصايده مثـل المـزون الــمهـله عودن يـسلي خاطري كل ماجـيه سيـف القوافي و القـصايد يسله جــابر ابن عواف مــحلى مباديه الطــيب طبعه و الوفا عادتن له إهداء / لـ سعود كمال ابن عفيصان جبر الهذيل