روس بالحارث كما بندق يثور - كلمات صالح الصديعي - أداء سلطان بن مريَّع

ياهاجسي دندن وسطرها سطور وابدع جزاله والجزاله ماتمَل انا مزاجي شعر شاعر في شطور والشعر عندي كل ليله متصل اخدم بني عمي ولاني بمعذور خدمة شرف بالقول والا بالفعل اكبر بني عمي على الجزله يشور واصغر بني عمي في الماقف بطل أليا دعوني في ورود وفي صدور انا لها وآقف لها وقفة جمل واقدم الترحيب واجب للحضور يامرحبا باللي حضر واللي وصل إعداد ماطلعت عناقيد الزهور واعداد ماهلَّت من الوسمي وبل يامرحبا واقلط على بن وبخور ياضيفنا يامرحبا وسط الحفل العود الازرق قدمكُم عانه يدور والبن الاشقر ريحته تاخذ عقل في حلة اللي فعلهم طول الدهور ذوي مريَّع والنعم اصل وفصل ذوي مريَّع عزوتي اطوال الشبور نعم النسب نعم الحسب نعم الاصل عسى السعاده والعواقب بالسرور وافراحهم دايم عساها تكتمل الكل منهم كَفْو من ماضي العصور للأوله والنادره دايم عجل ذولا بني عمي مجالسهم صدور ياكم واحد في حماهم يستظل اشيوخ وتحل الصعيب امن الامور والصعب دايم عندهم شيٍ سهل مرايعه ولهم محبه فالصدور ياحي ديره واسمهم فيها يحل مرايعه ولهم على العليا ظهور ذوي مريَّع تنعرف ماتنجهل من روس قومن لا تلف ولا تدور واللي يعاندهم مصيره بيعقل قيف الصديعي والصديعي مايبور فالماقف الغصاب ياحي الشمل فالمعركه فُوريس وادماهم تفور روسن تروس الروس واسيوفن تسل من روس بالحارث كما بندق يثور يثور في روس العدا وقت الزعل امدح بني عمي وبالصوت الجهور والرجل بين عيال عمه له ثقل ابحر بحور الشعر وانحت بالصخور لان المواقف ماتبي غير الجزل والمعذره لن كان جاء مني قصور العذر للأجواد في قول المثل وختامها ترحيبه ابكل الحضور فيها حلا حالي وألذ امن العسل