كيف يُصدق العقل الأشياء التي لم يَرَها ؟ | بعيدا عن الدنيا

و إحنا صغيريين كنّا بنسأل أسئلة منطقية وكانت الإجابة عليها لأ حرام ما ينفعش تسأل الأسئلة دي أسئلة زي إيه مثلًا ؟ هو إزاي ربنا لديه طلاقة القدرة في فعل كل الأشياء ؟ محتاج أستوعب بس ! هو إزاي ربنا لديه القدرة لإحياء الأموات ؟ محتاج أفهم بس زي أبونا إبراهيم إِذْ قَالَ إِبْرَاهِيمُ رَبِ أَرِنِي كَيْفَ تُحْيِي الْمَوْتَىٰ ۖ قَالَ أَوَلَمْ تُؤْمِن ۖ قَالَ بَلَىٰ وَلَٰكِن لِّيَطْمَئِنَّ قَلْبِي ۖ هو إزاي الناس اللي ماتت من ملايين السنين لما يُبعثوا هيقولوا يومًا أو بعض يوم ؟ فيه دليل يوضح إن ده منطقي ؟ إيه سبب وجود الملحدين ؟ هل هم ناس مرتزقة ولا بيسألوا أسئلة ومحتاجين إجابات عشان شكوكهم تهدى ؟ سبحان الله من رحمة رب العباد بخلقه أنه جعل مع غالبية الأشياء الغيبية أشياء ظاهرية لمن بتدّبر حتى يتأكد أن الغيب حق و هو ده الموضوع اللي ناقشته في الفيديو ده موضوع شائك ومهم جدًا وهيفتح عقلك على حاجات مهمة فأتمنى تشوفه وفيه معلومات دسمه هتفيدك في حياتك وتقدر تفيد بها غيرك أو حتى على الأقل لما ابنك أو بنتك أو أيا كان سألك سؤال من اللي بيقولوا عليه حرام تبقى تعرف تجاوب عليه بدل ما تقتصر الطريق وتقول حرام بدون حتى ما تحاول تفكر هل السؤال ده ليه إجابة فعلًا ولا لأ !