«Հայտնի անհայտը», Հ1-2010թ., Երևանի աղբը՝ 1920 թվականի առաջին շաբաթօրյակից ի վեր

«Արգելվում է տանիքներից ձյունը թափել փողոցով երթևեկող քաղաքացիների վրա». հատվածը Երևանի քաղխորհրդի 1933 թվականի որոշումից է, իսկ սեփական տանիքներից ձյունն ու սառույցը թափելու պրոցեսը վերահսկելու գործը դրված էր միլիցիայի վրա։ Տասնամյակներ անց սովետական քաղաքի մաքրությունը, ավելին՝ վարքուբարքը, ավելին՝ հագուկապը, վերահսկում էին դրուժիննիկները, ապա՝ կոմերիտական պարեկները… 2010-ին ստեղծած մեր այս ֆիլմն անդրադարձ է Երևանի մաքրության միջոցառումների պատմությանը՝ շաբաթօրյակ, ծառատունկ, շների ու կատուների հաշվառում, անտեր կենդանիների հավաքագրում (ի դեպ, 1933-ականներից), Սովետում առաջին բուրավետ օճառի ստացում, կոմունիստական քարոզչական նյութեր՝ մաքրությունից մինչև իսկ ընդհանուր շքերթից տարբերվող մարդկանց հագուկապի ու սանրվածքի ծաղրով, 1991-ին անկախ Հայաստանի առաջին շաբաթօրյակ ու ծառատունկ՝ Լենինի արձանի հանում քաղաքի գլխավոր հրապարակից (քաղաքապետ Համբարձում Գալստյանի խոսքով՝ ծառը տնկեցինք, մոլախոտը հանեցինք)։