أسولفلك يهالحادي .. لمن چنت بالكوفه | السيد عبدالحسين الشرع - الشيخ زمان الحسناوي

كُتِبتْ ومازالت ١٤٤٢ هـ ليلة ١٢ محرم ١٤٤٢ هـ اسولفلك يهالحادي .. لمن الچنت بالكوفه وابويه اعله الخلگ سلطان .. بيامه المعروفه من يجبل علينه العيد .. تحب الوادم اچفوفه يگلوله نسانه تريد تعيد زينب ابهالعيد تحب منها الجدم والأيد منك نطلب الرخصه .. تعايدها او ترد لينه وابوي الفحل ما يرضه .. يرخصهن يعيدني خايف للزلم يرحن .. او يحچن من يشوفني عگب ذاك الخدر لنهن .. يسمعن عالهزل وني يحادي الموت أشوالي او لا تتشمت ابحالي شگلها التوگف اگبالي او تنشدني اعله ولياني .. او عن ذاك الخدر وينه الشاعر المرحوم: السيد عبدالحسين الشرع المصدر: ديوان منهل الشرع (الجزء الأول) بصوت الخطيب: الشيخ زمان الحسناوي #كتبت_ومازالت #حسينية_ابوطالب حساب الحسينية على منصة الإنستقرام @hussainyat.abutaleb   / hussainyat.abutaleb