Vranjofca_ Me njerëz që jetojnë në paqe dhe qetësi

Të nisesh nga Tetova arrin për gjysë ore me 28 km,qytet më të afër e ka Gostivarin me 6 km. Fshati Vranjofcë shtrihet pas Debreshit dhe Zubovcës në shpatijet e Sharrit. Arrat e fshatit shtrihen përeth fshatit dhe emrohen me emra të kohës së kaluar. Fshati Vranjofcë është fshat me shumë të shpërngulur në Debresh , Vrapçisht, Gostivar dhe një pjesë e madhe në Tetovë dhe Turqi. Në fshat ka ngelur pjesa e popullatës e cila ka qenë varfnjake dhe nuk kanë patur kushte ekonomike për tu shpërngulur dhe ato. Sot me kontributin e madhe të tyre dhe mërgimtarëve ky fshat lulzon. Historiku i xhamisë daton që nga viti 1874 dhe nga ajo kohë fshati është islamizuar dhe sipas gojdhënave banorët vendas të besimit ortodoks janë shpërngulur në Zubovcë dhe disa të tjerë në Stençe e Vollkovi,mirëpo ata katolik të gjithë e kanë pranuar fenë islame.Xhamia në atë kohë nuk ka patur hoxhë por më vonë ardhacak prej Lumës së Shqipërisë ku si i parë përmendet Molla Ziberi me djalin e tij Molla Aqifi dhe për një kohë të gjatë ka dhënë kontribut mjaft të madh për fshatin .