Өзбекстандан Кыргызстанга эли менен өткөн айыл

Кара-Жантак айылы буга чейин Өзбекстандын Фергана облусундагы айыл эле. Өткөн жылы Кыргызстан менен Өзбекстандын ортосунда чек араны делимитациялоо жана демаркациялоо боюнча өкмөттөр аралык комиссия иш алып, акырында эки президенттин кол коюшу менен чек аралар чечилген. Бул комиссиянын чечими менен Кара-Жантак айылын Фергана облусунан чыгарылып, Баткен облусунун Кадамжай шаарынын карамагына өткөн эле. Кыргыз бийлиги ишти тургундарга кыргыз жарандыгын берип, паспорт тапшыруудан баштаган. Транспорт министрлиги зымыраган жолду дароо эле салып койду. Жолдун курулушу аркылуу айыл ичиндеги жана Кадамжай, Кызыл-Кыя шаарларына байланыш жолдору жакшырды. Айылда кыргыз желектери илинип, бала бакча, мектептер кыргыз тилинде сабак өтүүдө. Башкысы Кадамжай районунун акими Болот Баякеев тынымсыз кабар алып турат экен. Адамдар сүйлөп бербесе да сугат суу маселеси бар экенин айтышып, Кыргызстанга өткөнүнө кубанычта экендиктерин жашырышкан жок. Аталган айылда кыргыздар жашап келишкен.