“Tarixin Güzgüsü” – İstedad-Məktəb-Mühit

“Ədibin Evi”nin dəstəyi ilə həyata keçirilən DAHA TV-nin “Tarixin Güzgüsü” adlı media layihəsi XX əsrin əvvəlində Azərbaycan Xalq Cümhuriyyətinin mətbu orqanı olan “Azərbaycan” qəzetinin arxivi əsasında yüz il əvvəlki Azərbaycana nəzər salır və tarixin güzgüsünü bu günümüzə tutur. Bu dəfəki buraxılışda Aqşin Yenisey və Qismət Rüstəmov 1918-ci ildə Fürudin bəy Köçərlinin təşəbbüsü ilə Qoridən Qazaxa köçürülən Müəllimlər Seminariyasının Azərbaycan şöbəsini ziyarət edir və bu gün ADA Universitetinin Qazax Mərkəzi kimi fəaliyyət göstərən məkanda “istedad, məktəb və mühit”lə bağlı fikirlərini bölüşürlər. “Azǝrbaycan” qǝzetinin 15 sentyabr 1918 – 28 aprel 1920 tarixlǝri arasında 443 nömrǝsi çapdan çıxmışdır. Qǝzetin ǝrǝb qrafikalı ǝlifbadan latın qrafikalı müasir Azǝrbaycan ǝlifbasına köçürülmüş külliyyatı ilə linkdə tanış ola bilərsiniz: https://ada.edu.az/azerbaijannewspaper