Bank-moliya akademiyasida amaliy yondashuv | "Hayot Birjasi" AJ

📖 Respublika Bank-moliya akademiyasida nazariy bilimlarni amaliyot bilan uyg‘unlashtirishga qaratilgan ta’lim jarayonlari izchil davom etmoqda. Shu maqsadda Akademiya tinglovchilari uchun “Hayot birjasi” aksiyadorlik jamiyatida amaliy mashg‘ulot tashkil etildi. 📍Mazkur dars jarayonida tinglovchilar zamonaviy iqtisodiy munosabatlar, moliyaviy jarayonlar va bozor mexanizmlari faoliyati, birjada savdo va xizmat ko‘rsatish jarayonlari bilan yaqindan tanishish imkoniyatiga ega bo‘ldilar. ❗️Amaliy mashg‘ulot davomida tinglovchilar sohaga oid nazariy bilimlarini mustahkamlash, tahlil qilish ko‘nikmalarini rivojlantirish hamda real iqtisodiy muhitda qaror qabul qilish jarayonlarini o‘rganish bo‘yicha tajriba orttirdilar. ****************** Akademiya tarixi O‘zbekiston Respublikasi Prezidentining 1996-yil 2-maydagi “Bank-moliya akademiyasini tashkil etish to‘g‘risida”gi farmoni e’lon qilingan paytdan boshlanadi. O‘tgan 28 yildan ortiq vaqt davomida Akademiyaning magistratura bosqichida 6000 nafardan ortiq va Malaka oshirish fakultetida 12 ming nafardan ortiq tinglovchi tahsil oldi. Davlat tomonidan har tomonlama qo‘llab-quvvatlash tufayli Akademiya nisbatan qisqa tarixiy davrda zamonaviy oliy ta’lim va ilmiy tadqiqot muassasasiga aylandi. O‘zbekiston Respublikasi Bank-moliya akademiyasi missiyasi “o‘rgan, o‘zgartir, yetakchi bo‘l” tamoyiliga asoslangan bo‘lib, dunyoning ilg‘or bilim va tajribasini amaliy bilimlar bilan o‘zlashtirgan yetakchilarni tayyorlashga qaratilgan. Ta’lim jarayonini doimiy ravishda takomillashtirish, eng yangi ta’lim texnologiyalarini o‘zlashtirish, xorijning ilg‘or bank-moliya ta’lim markazlarida stajirovkalar tashkil qilish, interfaol o‘qitish usullarini joriy etish orqali Akademiya moliya, bank va soliq ishi, investitsiya va sug‘urta faoliyatining turli yo‘nalishlarida rahbar kadrlarni tayyorlash va qayta tayyorlash bo‘yicha O‘zbekiston ta’lim xizmatlari bozorida yetakchi o‘rinni egalladi hamda mamlakatimizdagi yetakchi oliy ta’lim muassasasiga aylandi. AQSH, Gollandiya, Shveysariya, Rossiya, Yaponiya, Angliya, Germaniya, Luksemburg, Gretsiya, Belgiya, Chexiya, Polsha, Latviya, Turkiya, Misr, Koreya, Gonkong, Xitoy, Singapur, Malayziya, Hindiston va boshqa davlatlarning yetakchi oliy ta’lim muassasalari bilan izchil hamkorlik Akademiya nufuzini oshirishdi. IJTIMOIY TARMOQALARDA: FACEBOOK:   / bma.uz   INSTAGRAM:   / bfa_uz   TELERGAM: https://t.me/bfauz