Оңтүстіктен солтүстікке көшкендердің жаңа туған сәбилері үшін төленетін жәрдемақыны арттыру керек

Қазақстанның оңтүстігінен халық саны аз солтүстік аймақтарға көшкен азаматтар мен қандастардың жаңа туған сәбилері үшін төленетін жәрдемақы көлемін арттыру керек. Мәжіліс депутаты Дәулет Мұқаев осындай ұсыныс айтты. Оның болжауынша, бұл солтүстікке көшетіндерге қосымша стимул болады және демографиялық саясатқа да оң әсерін тигізеді. Қазір халық теріскейге көшіп барғанымен, ол жақта қалып жатқандары аз. Ал солтүстік өңірлерде халық саны жылдан жылға азайып барады дейді. Мәселені шешу үшін депутат бірнеше бастама ұсынды. Дәурен Тілеубаев еліміздің солтүстігіндегі Калугин ауылына 2019 жылы Тараздан көшіп келгендер азаматтардың бірі. Ол солтүстікке көш бағдарламасы туралы естіп, басымызға баспана, екі қолға бір күрек тауып береміз деген жергілікті шенеуніктердің уәдесіне сеніп қалдым дейді. Сөйтіп, үш жылдан артық уақыттан бері не үй ала алмай, не жұмыс таба алмай қалғанын айтады. Қазір өзінің жиған қаражатына ауылдан ескі үй алып, бала-шағасымен бірге тұрып жатыр екен. Ал тұрақты жұмыс тауып бермеген соң, әрбір жерде уақытша жұмыс жасап күн көріп жүрміз дейді. ДӘУРЕН ТІЛЕУБАЕВ, Калугин ауылының тұрғыны: – Үй береміз деді. Бермей жатыр. Жаңадан үй салды. Бірақ бос тұр. Екі қызым бар. Бір ұлым бар. Үй кішкентай. Төбесінен су ағады. Не жұмыс жоқ. Тауып береміз деген әлі жоқ. Ал Мәжіліс депутаты Дәулет Мұқаев халықтың солтүстікке үдере көшуіне алдымен баспана мәселесі кедергі дейді. Кәсіпкерлер салып беріп, мемлекетке сатып жатқан үйлердің көбі сапасыз салынған. Қабырғалары жұқа, едені суық үйлерде тұру мүмкін емес. Сондықтан да олардың көбі бос тұр. Одан бөлек кәсіпке, саудаға икемі бар көпбалалы отбасыларды солтүстікке көшірген дұрыс деп отыр. Бұл бір жағынан халық санын арттыруға, екіншіден халықты еңбекпен қамтуға оң септігін тигізеді деген пікірде. ДӘУЛЕТ МҰҚАЕВ, ҚР Парламенті мәжілісінің депутаты: – Бала дүниеге келген кезде мысалы ауыр босанған кезде коэффицент бар 4,6 еселенетін дейтін. Қалыпты жағдайда 4,2. Тура сол сияқты солтүстік аймаққа көшкен отбасылар сол жақта дүниеге алып келетін болса декреттік төлемнің көлемін кішкене жоғары қоятын болса бұның өзі ондағы демографияға оң әсерін тигізеді. Сондай-ақ Дәулет Мұқаев оңтүстіктен солтүстік облыстарға көшіп барғысы келетіндерді жаппай көктем мезгілінде ғана көшіруді ұсынды. Өйткені көшіп барған отбасылар сол жердің ауа райына күн суытқанға дейін үйреніп алу керек дейді. Тіпті, жаз бойы қысқа қамданып алуға да уақыт болады деген ойда. Бізді әлеуметтік желіде оқыңыздар: Информбюро 31    / @informburo31kanal   Informburo kz    / @informburokz2022   Facebook -   / informburo31   Instagram -   / informburo31   Vkontakte - https://vk.com/informburo31 TikTok - www.tiktok.com/@informburo31 Біздің сайт: www.31.kz и www.informburo.kz Біздің WhatsApp +7 777 331 31 31 #News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал