Klan News - Hetimi për vrasjen e Luljetës zbulon tutorin e 15-vjeçares

Hetimet për vrasjen e 32-vjeçares Luljeta Preza kanë zbuluar një rast të shfrytëzimit të prostitucionit në qytetin e Durrësit. Vajza 15-vjeçare e proceduar për moskallëzim krimi e cila u shoqërua pas gjetjes së trupit të pajetë të Prezës, ka treguar gjatë marrjes në pyetje se gjatë kohës që ka bashkëjetuar me një 24-vjecar nga Durrësi ky i fundit e ka shfrytëzuar për prostitucion.  Nisur nga kjo deklaratë e adoleshentes, policia vuri në pranga Eridon Patllin. Ndërkohë për vrasjen e 32-vjeçares janë proceduar për moskallëzim krimi edhe dy vajza të tjera ndërsa u arrestuan personi që dyshohet se e qëlloi me thikë dhe bashkëpunëtori i tij. Në pranga përfunduan Aldo Brahimi dhe Ylli Grabovari. Këta të fundit dyshohet se siguronin lëndë narkotike kokainë të cilën Luljeta Preza e konsumonte. Në momentin që ajo ka marrë sasinë e drogës, nuk ka dhënë pagesën dhe kjo është bërë shkak për konfliktin mes saj dhe vajzës 15-vjeçare. Dy të arrestuarit ndërhynë dhe në sherr e sipër njëri prej tyre e goditi me mjetin prerës 32-vjeçaren. Ajo ishte nënë e një fëmije të mitur ndërsa qëndronte tek Ura e Dajlanit ku u gjet edhe e pajetë pasi ishte e pastrehë. Preza dyshohet se punonte edhe si punëtore seksi. SUBSCRIBE to "RTV KLAN" on YouTube for more videos! Për më shumë informacione vizitoni faqen tonë web https://tvklan.al/kategoria/klan-news/ Follow Klan News on Facebook:   / klannews   Follow @klannews on Instagram:   / tvklannews   #KlanNews #KlanNewsLajme #TvKlan