جريمة القرن الهجري

في الفيديو مكة مين فينا كمسلمين في كل بقاع الارض مش بيحلم بزيارة مكة المكرمة ؟ دي مسقط رأس سيدنا محمد عليه الصلاة والسلام، وهيا المدينة اللي أُنزل فيها القرآن الكريم. ده غيران فيها بيت الله الحرام، وكل مسلم بيتمني يطوف حوالين الكعبة ويسعي بين الصفا والمروة ويتروي من ميه زمزم، وينال زيارة بيت الله الحرام كحاج او معتمر، ربنا يكتبها لنا جميعا. وانا النهاردة اكيد مش جاي احكيلك عن فضل بيت الله الحرام لأنه مش محتاج وصف، ده محفور جوه نفس كل واحد فينا. انا هحكيلك عن حادثة، حادثة وقفت عندها عقارب الساعة، ووقفت معاها دقات قلوب المسلمين في مشارق الأرض ومغاربها من بشاعة اللي بيحصل، وده بعد ما لعب الشيطان بعقول مجموعة من الشباب، ودفعهم لاقتحام وتدنيس اقدس بقاع الارض تحت تهديد السلاح علشان يروعوا الآمنين، والحادثة دي مستمرتش لمدة ساعة ولا حتي يوم لا دول كانوا 15 يوم متواصلين، ارتكب فيهم الجناة أبشع الجرايم اللي متخطرش على بال حد أنها تقع جوه أروقة بيت الله الحرام واللي كان أقلها هو القتل والترويع، وكل ده بدعوى مبايعة واحد منهم بوصفه "المهدي المنتظر" بين الركن والمقام. ياتري أيه اللي حصل ومين الشباب دول ومين هو المهدي المزعوم؟ فده اللي هنعرفه في حلقتنا النهاردة عن حادثة اقتحام الحرم المكي. المصادر https://ar.wikipedia.org/wiki/%D8%AD%... https://www.marefa.org/%D8%A7%D9%84%D... https://www.bbc.com/arabic/middleeast... https://www.youm7.com/story/2020/11/2... ومتنسوش تتابعونا علي الفيس بوك Facebook:   / 7kaya.asli