Zbulohet një varr antik i shekullit të tretë në fshatin Baldushk-(20 Shtator 2010)

Lajme Arkiva 2010 Një varr antik është zbuluar në oborrin e një banese private në fshatin Baldushk gjatë gërmimeve për hapjen e një pusi. Varri ishte i ndërtuar nga pesë pllaka prej guri të periudhës romake dhe zbulimi i tyre bëri që pronari i tokës të ndërpresë menjëherë punimet e të njoftojë Institutin e Arkeologjisë. Besnik Bali: “Gjatë gërmimit hasëm disa objekte që kur i pamë, menduam që ishin objekte kulturore dhe menjëherë ndërpremë punimet. Gjatë kësaj kohe kemi bërë edhe dokumentacionet e këtyre. Menjëherë ndërpreva punën, nuk do ta hap pusin në këtë vend.” Sipas vlerësimit të parë të arkeologëve, stelat e varrit me përmasa 1.5 me 0.5 metra i takojnë shekullit të dytë ose të tretë pas Krishtit. Ato janë transportuar nga një qytet romak siç mund të jetë Durrësi rreth vitit 300. Skënder Muçaj: “Pamë që ato i takonin një varri të vetëm të ndërtuar në fundin e shekullit të tretë, fillimin e shekullit të katërt. Varri ishte ndërtuar material të ripërdorur dhe si material i ripërdorur stela varresh të marra në një nekropol të rëndësishëm, ndoshta lart kësaj qendre ka mundësi më tepër në qytetin e Durrësit”. Brenda varrit janë gjetur edhe disa armë lufte, të cilat dëshmojnë se varri i takonte një banori të zonës, i cili ka shërbyer si luftëtar. Zbulimet në Baldushk nuk janë surprizë për arkeologët edhe pse kjo zonë është pothuajse e paprekur nga ekspeditat./tvklan.al SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/